| ӨНДІРІСТЕ МИКРОКЛИМАТ ПАРАМЕТРЛЕРІН ЗЕРТТЕУ ЖӘНЕ БАҒАЛАУ ӘДІСТЕРІ
Қазақстанның метеорологиялық жағдайлары, гигиеналық тұрғыдан организмнің жылу алмасуына және оның жылулық жағдайына әсер етуші қоршаған орта факторларының кешені болып келеді. Мұнда өндірістік ортаның микроклиматы негізінен технологиялық процесстің түріне және Қазақстанның территориясының қандай өңірінде орналасуына байланысты болады. Қазақстанның оңтүстік аудандары қысқы мерзімде жылы микроклиматымен, ал жазғы кезеңде-неғұрлым ыстық болып сипатталады, ал орталық және солтүстік аудандары күрт-континенталды – қыста суық, жазда ыстық – микроклиматымен ерекшеленеді.
Еңбек гигиенасы бойынша санитарлық дәрігер ескертпелі және ағымды санитарлық қадағалау ретінде «Өндірістік бөлмелердің микроклиматының санитарлық нормалары» №1.02.006-94 және «Машиналық және қазандық бөлмелерінде және басқа өнеркәсіп бөлмелерінде, кемелерде жабдықтар мен қоршаулардың бетінің ысуынан инфрақызыл сәулелерінің қарқындылығының гигиеналық нормалары» №1.02.027-94 нормативтік құжаттарына сәйкес микроклимат параметрлеріне бағалау жүргізеді. Бұл құжаттарда орындайтын жұмыстың ауырлығын және жыл мерзімдерін және олардың өлшеу мен бағалау әдістерін ескеріп, бөлмелердің микроклиматтың оңтайлы және рұқсатталатын параметрлері берілген.
ӨНДІРІСТІК МИКРОКЛИМАТТЫ НОРМАЛАУ ТЕРМИНДЕРІ МЕН НЕГІЗГІ ТҮСІНІКТЕРІНІҢ АНЫҚТАМАЛАРЫ
1. Өндірістік бөлмелерді микроклиматы – адамның организміне ауаның температурасының, ылғалдылығының, қозғалыс жылдамдығының және жылулық сәулесінің қосарласып әсер етуші осы бөлмелердің ішкі ортасыынң микроклиматтық жағдайлары.
2. Оңтайлы микроклиматтық жағдайы– адамға ұзақ және жүйелі әсер етуінде термореттеу механизміне күш түсірмей организмнің қалыпты жағдайын сақтаушы микроклимат параметрлерінің үйлесімі.
3. рұқсатталатын микроклиматтық жағдайы– ұзақ және жүйелі әсер етуінде адамның термореттеу механизміне оның бейімделуілік мүмкіншілігінің шегінен аспайтындай күш түсуімен жүретін, организмнің жылулық жағдайында тез етуші және тез қалпына келуші өзгерістерді тудыратын микроклимат параметрлерінің үйлесімі. Мұндай жағдайда адамның денсаулығында өзгерістер болмайды, бірақ дискомфорттық жылу сезуі және іскерлігінің төмендеуі байқалады.
Достарыңызбен бөлісу: |
