Сабақ жоспары: Ерітінділер тақырыбына арналған глоссариймен жұмыс

1. Ерітінділер тақырыбына арналған глоссариймен жұмыс

2. Ерітінділер концентрацияларына арналған есептер шығару әдістемесі

Сабақтың мақсаты мен міндеттері: Ерітінділердің физика-химиялық теориясының негізгі қағидаларымен, ерітінділердің жалпы қасиеттерімен таныстыру, ерітінділердің концентрациясы туралы білімдерін жетілдіру, есептер шығару әдістемесімен таныстыру.

Сабақтың мазмұны:

Глоссарий

Ерітінділер - еріген зат, еріткіш және олардың әрекеттесуінің өнімдерінен тұратын гомогенді жүйе.

Ерігіштік – берілген температурада 100г (немесе 1000мл) еріткіште еритін заттың мах мөлшері.

Қаныққан ерітінділер - еріген затпен ерімеген зат тепе-теңдікте болатын ерітінділер.

Қанықпаған ерітінділер – бірдей температурада қаныққан ерітіндінің концентрасынан концентрациясы аз болатын ерітінді.

Қаныққан будың қысымы – сұйықтықпен тепе-теңдікте болатын бу қысымы.

Рауль заңы – ерітінді бетіндегі еріткіштің қаныққан бу қысымының төмендеуі еріген заттың мольдік үлесіне тура пропорционал. ( Р = Р0 · χ 0 ).

Сұйықтықтың қайнау температурасы - сұйықтық бетіндегі қаныққан бу қысым атмосфералық қысыммен теңесетін температура.

Эбуллиоскопиялық тұрақты ( Е ) – тек еріткіштің табиғатына тәуелді, 1 кг еріткіште 1 моль зат ерігендегі қайнау температурасының жоғарылауына тең.

Криоскопиялық тұрақты ( К ) - тек еріткіштің табиғатына тәуелді, 1 кг еріткіште 1 моль зат ерігендегі қату температурасының төмендеуіне тең.

Осмос – жартылай өткізгіш мембранамен бөлінген ерітіндіге еріткіштің өздігінен өтуі.

Осмос қысымы – осмосты тежеуге қажетті қысым

Вант – Гофф теңдеуі - Росм = ν RT /V = mRT / МV

Моляльдік концентрация – еріген зат мөлшерінің( моль) еріткіш массасына (кг) қатынасы

Мольдік концентрация - 1 л ерітіндідегі ерітген заттың мөлшері

Нормальдік концентрация -1 л ерітіндідегі еріген заттың эквивалент саны.

Массалық үлес(ω) – еріген зат массасының жалпы ерітінді массасына қатынасы.

Титр (Т) – еріген зат массасының (г) ерітінді көлеміне қатынасы (в мл).