Сабақ Тақырыбы: Нәруыздар және протеомика

№ 1 есеп. Мыс сульфаты ерітіндісін қателесіп ішіп алған ер адам аурухананың жедел жәрдем бөліміне жеткізілді. Дәрігер оған бірнеше жұмыртқаның ақуызын ішуді ұсынды. 1. Дәрігерлік тағайындауды негіздеңіз.

№ 2есеп. Биохимиялық зертханада электрофорез әдісі көмегімен рН 6,0 болатын қағазда құрамында серин, глицин, аланин, глутамин қышқылы, лизин, аргинині бар аминқышқылдарының қоспасын бөлді. 1. Қай қосылыс анодқа, катодқа қарай жылжығанын, немесе орнында қалғанын көрсетіңіз.

№ 3 есеп. Натрий глутаматы көкөністерден дайындалған тағамдарға жиі қосылады, ол хош иістендіргіш дәмдеуіштердің міндетті компоненті болып табылады. 1. Неліктен екенін түсіндіріңіз.

№ 4 есеп. Тетрапептидтің құрамын зерттеу барысында мыналар алынды: 1) N-ұшы цистеиннен түзілген пептидтің құрамында триптофан, пролин, серин бар; 2) тетрапептидті химотрипсинмен гидролиздеуден кейін құрамында триптофан, цистеин, пролині бар трипептид қалады. 1. Тетрапептидтегі аминқышқылдарының ретін анықтаңыз.

№ 5есеп. Жұқпалы ауруларда және суық тию жағдайында ағзаның қорғаныс реакциясы гипертермия пайда болады, яғни дене температурасының жоғарылауы болады. Адамның жалпы әл-ауқаты нашарлайды. 1. Жоғары дене температурасында нәруыздардың қасиеттері қалай өзгеретінін сипаттаңыз.

№ 6 есеп. Асқазандағы пепсиннің аминқышқылдық құрамына байланысты изоэлектрлік нүктесі шамамен 1,0 болады. 1. Аминқышқылдары үшін ИЭН мәндеріне сүйене отырып, пепсин құрамында қандай аминқышқылдары салыстырмалы түрде көп мөлшерде болатынын болжаңыз.