Тәжірибелік сабақ тақырыбы: «Оқушылардың оқу жетістіктерін бағалау жүйесі. Критериалды бағалау» Тәжірибелік сабақтың жоспары: 1. Критериалды бағалау жүйесі
2. Сабақтың кезеңдері.
а) Репродуктивтік деңгей
б) Синектикалық кезең әрекеттері
в) ІІІ кезең кері байланыс - бағалау кезеңі
3. Рефлексивті амал.
Кіріспе Критерий қандай мағына береді?
Критериалды бағалау жүйесі деген не?
Топтастыру. «Мозайка» әдісі арқылы. Тыңдаушыларды пәндері бойынша топтастыру.
1. Критериалды бағалау жүйесі Критериалдық бағалау - бұл білімнің мақсаты мен мазмұнына сәйкес келетін, оқушылардың оқу-танымдық біліктілігін қалыптастыруға себепші болатын, айқын анықталған, ұжыммен шығарылған, білім процесінің барлық қатысушыларына алдын ала белгілі критериялармен оқушылардың оқу жетістіктерін салыстыруға негізделген процесс.
Критерийлер - оқытудың міндеттерін жүзеге асыратын өлшемдер, атап айтқанда, оқушылар жұмыс барысында орындайтын іс-әрекеттер тізбесі.
Критериалды бағалауды енгізудің мақсаты:
Мектепте оқыту сапасын жоғарту
Мектеп бітірушілердің білімін халықаралық стандартқа сәйкестендіру.
Критериалды бағалаудың міндеттері:
Сабақтың әр бөліктеріндегі әр оқушының дайындық деңгейін анықтауға;
Бағдарламаға сәйкес оқу мақсаттарын орындау қабілеті;
Жеке оқушының даму жетістігін бақылауға;
Оқушының білім алу барысындағы қателіктері мен олқылықтарын айқындауға;
Әртүрлі жұмыс барысындағы алған өз бағасының әділдігіне көзін жеткізуге;
Оқу бағдарламасының тиімділігін саралауға;
Сабақ үдерісі мен білімнің меңгерілуі туралы оқушы мен мұғалім және ата-ана арасындағы кері байланысты қамтамасыз етуге
Практикалық маңызы
Тек қана оқушы жұмысы бағаланады;
Орындалған жұмыс алдын ала белгілі үлгі (эталонмен) салыстырылады;
Оқушы өзінің жұмысын бағалауға мүмкіндік беретін нақты бағалау алгоритмін біледі және ата-анасына ақпарат бере алады;
Критериалды бағалау белгілі оқу мақсаты бойынша бағаланады