2. * Шарап қышқылының (H2C4H4O6) немесе натрий гидротартратының (NaHC4H4O6) әсері.
Бұл реагенттер ерітіндінің pH = 5-7 тең және K+ катионының концентрациясы жоғары болған кезде ақ кристалдық тұнба түзеді:
KCl + NaHC4H4O6 KHC4H4O6 + NaCl
K+ + HC4H4O6- KHC4H4O6
Тұнба минералды қышқылдарда және сілтілерде ериді:
KHC4H4O6 + H+ K + + H2C4H4O6
KHC4H4O6 + OH− K + + C4H4O62- + H2O
Бірақ та ол сірке қышқылында ерімейді. Қышқылдық ортаны NaOH не CH3COONa ерітінділерімен, ал сілтілік ортаны – сірке қышқылымен бейтараптандырады.
Реакция толық жүру үшін шыны таяқшамен пробирканың ішкі қабырғасын үйкелеу қажет. NH4+ - иондары кедергі жасайды.
Реакцияның орындалуы. Калий ерітіндісінің 3-4 тамшысына 3-4 тамшы шарап қышқылы немесе NaHC4H4O6 ерітіндісін қосып, араластыру қажет.
3. ** Гексанитрокупрат натрий қорғасынының әсесері (микрокристаллоскопиялық реакция).
Гексанитрокупрат натрий қорғасыны Na2Pb[Cu(NO2)6] К+ катионымен куб тәрізді қоңыр түсті кристалдар түзеді:
Na2Pb[Cu(NO2)6] + 2 KCl K2Pb[Cu(NO2)6] + 2 NaCl
Pb2++[Cu(NO2)6]4- + 2K+ K2Pb[Cu(NO2)6]
Реакцияны ерітіндінің pH=7 тең болған жағдайда орындаған жөн. NH4+ иондары ұқсас реакция береді.
Реакцияның орындалуы.
Заттық шыныға 1 тамшы калий тұзы ерітіндісін тамызып, буландырады. Салқындатқаннан кейін Na2Pb[Cu(NO2)6] реагенті ерітіндісінің 1 тамшысымен әсер етеді, 1 минуттан соң түзілген кристалдарды микроскоп арқылы көруге болады.
Достарыңызбен бөлісу: |
