1-тапсырма. Мәтінді мұқият оқып, аударыңыздар Технологиялық үрдістерді автоматты басқару жүйесінің кезеңдері Қазіргі заманғы ТПБАЖ (технологиялық процесті басқарудың автоматтандырылған жүйесі) бұл көпсатылы адам машина басқару жүйесі. БАЖ-ды (АСУ) күрделі технологиялық процестермен жасағанда техникалық құралдар мен бағдарламалық жасаулардың дамуымен бірге жетіле түсетін автоматты ақпараттық жүйелер пайдаланылады. ТПБАЖ және диспетчерлік басқару. Жаңа ғылыми идеялар мен техникалық құралдардың пайда болуына байланысты ТПБАЖ дамуын үш кезеңге бөлуге болады. Уақыт барысында объектілер мен басқару әдістері, автоматтандыру құралдары және басқа компоненттердің мінездемесі өзгереді. Олар қазіргі басқару жүйесінің мазмұнын құрайды.
Бірінші кезең автоматтық реттеу жүйелерінің (АРЖ) енгізілуін бейнелейді. Бұл кезеңдегі басқару объектілері – жеке параметрлер, құрылғылар, агрегаттар.Тұрақтандыру, бағдарламалық басқару, қадағалау міндеттерін шешу адамнан АРЖ-ге көшеді. Адамда тапсырманы есептеу және реттегіштердің реттеу параметрлері функциялары пайда болады.
Екінші кезең – технологиялық процестерді автоматтандыру.Кеңістікте бөлініп орналасқан жүйе басқару объектісі болып табылады. АРЖ көмегімен бұрынғыдан күрделі басқару заңдары жүзеге асырылады, оптимальды және адаптивті басқару тапсырмалары орындалады, объект пен жүйе күйін идентификациялау жүргізіледі. Бұл кезеңнің өзіндік ерекшелігі – технологиялық үрдісті басқаруға телемеханика жүйелерін ендіру. Адам басқару объектісінен алыстай түседі, объект пен диспетчер арасында өлшеу жүйелері, орындаушы механизмдер, телемеханика құралдары, мнемосхемалар және басқа да ақпаратты бейнелеу құралдарының (АБҚ) тізбегі құралады.
2-тапсырма. Мәтіннің мазмұны бойынша төмендегі сұрақтарға жауап беріңіздер Технологиялық процесті басқарудың автоматтандырылған жүйесі қандай жүйе?
Күрделі технологиялық процестермен жасағанда нелер пайдаланылады?
