Еңбек қорғау заңдарын бұзғаны жөнінде лауазымды адамдарға ақшалай айыппұл салу әкімшілік жауапкершілігінде болады. Айыппұлды мемлекеттік қадағалау органдарының инспекторлары салады (Қазақстан Республикасының еңбек және халықты әлеуметтік қорғау министрлігінің Департаменті, Төтенше Жағдайлар Министрлігінің өртке қарсы қызмет Комитеті, Мемлекеттік санитарлық-эпидемиологиялық қадағалау комитеті).
Қызметкер мен жұмыс беруші ұжымдық және еңбек шарттарында көрсетілген, өзара материалдық жауапкершілікте болады. Жұмыс берушінің жауапкершілігі мынада: - сгер қызметкердің өміріне немесе денсаулығына зиян келтірілсе; - егер қызметкерді өз жұмыс орнында еңбек ету мүмкіндігінен заңсыз айырса; - егер қызметкердің мүлкіне залал келтірілсе. Қызметкердің жауапкершілігі мынада: - жұмыс берушінің мүлкіне залал (жоғалту, бүлдіру) келтірілсе; - қызметкердің әрекеті (әрекетсіздігі) нәтижесінде залал туындағанда.
Қылмыстық жауапкершілік
Егер еңбек қорғау заңдарын бұзган адамдардың әрекеті ,сәтсіз оқиға не басқа да ауыр қауіпті жағдайлар туғызатын болса немесе туғызса, кінәлі адамдар қылмыстық жауапкершілікке тартылады. Қазақстан Республикасының Қылмыстық Кодексіне сәйкес лауазымды адамдар еңбек қорғау ережелерін бұзғаны үшін жазаға тартылады. Кінәлі адамның жауапкершілігі оның жасаған әрекетіне байланысты болып, жұмыс берушінің бастамасы бойынша еңбек шартын бұзуынан, 2 жылдан 5 жылға дейін бас еркінен айырылуынан тұрады.
