Сахрауи36 қазақ халқына насихат

Сахрауи³⁶ қазақ халқына насихат

Сөз айтам, діндестерім, салғын құлақ, Хақтың сөзі – алдыңда жаққан шырақ.

Қазағым, бірсіздікті³⁷ қоя тұрып, Қылыңдар дін ісінде жақсы ынтымақ.

Ынтымақсыз алты ауыз боламын деп, Басымызға тиген жоқ па темір тоқпақ?!

Өзгеден анық артта қалдық қой біз, Жиылып ақсақалдар ақылды тіз.

Ақылды тізбесеңдер, ақсақалдар, Жылаудан тиылмастай болды ғой көз.

Көбейді дұшпан, залым бек қисапсыз, Бұ нәпсілік қылды ғой һәм қарарсыз.

Әуелден ынтымақпен тұрып келсек, Болар ек хоштықпенен біз харапсыз³⁸.

Өзгеде ілім менен мағрифат³⁹ бар, Біздерде ынтымақсыздық, жаһилият⁴⁰ бар.

Өзге милләт⁴¹ бір-біріне шапағатты, Біздерде шапағат жоқ, дұшпандық бар.

Шайтанның уәсуесіне⁴² еріп кетпей, Иттифақ⁴³! қой, бүйтпелік, ей, халықтар!

Кел, халықтар, өткен іске тәубе қылып, Жылаумен екі көзге жас алайық.

Өмірді зая қылар жанжал бітсін, Иғтибарсыз⁴⁵ жанжалды қолданбайық.

«Ертеңгісін есек қайғырар» демей, Жамағат, келешекті қайғырайық.

Ілімсіздік ескілік әзірінде,

Қатеміз біздің қылған хәдден⁴⁷ асты. Жаһілеттің⁴⁸ аяғы бізді басты.

Айласыз біздің қазақ артта қалып, Бізден басқа халықтың айласы асты.

Біздерге алға таман еш бару жоқ, Өтті деп уақытымызға қайғыру жоқ.

Біздердің арамызда шәфқәт⁴⁹ біткен, Мейірбан боп ағайынды жай қылу жоқ.

Ағалар, өзің де үшін ойлаңыздар, Ұмытпай ел үшін де ойлаңыздар!

Көңілмен қайта-қайта сен анық біл Ауызбен текке айтып қоймаңыздар.

Бұ сөзге қазақ байғұс құлақ қоймас, Надандықтың ластығын жалап тоймас.

Біледі сөз айтқанды дұшпаным деп, Сөйтіп қазақ жаһілеттің⁵¹ атын жоймас.

Насихат сөз айтқанға қас болады, Надандықтың әсерімен мас болады.

Бір адам аярлықпен бір сөз айтса, Жеткенше сол кісіге бас болады.

Егер де жақсы кісі бір сөз айтса, Өлгенше ол жақсымен қас болады.

Басқа жұрт милләт⁵² жөнін ойлағанда, Қазақтар бейқам жатып нас болады.

Басқа жұрт дәмді астың бәрін алды, Қазаққа енді немене ас болады?

Ей, халқым, айтқанымның бәрі де рас, Бермейсіз дін жолына онша ықылас.

Намысқа басқа жұрттар тырысар еді, Қазақпыз әрі надан, әрі жуас.

Бытырап әрбір тұста қаңғып жүр ғой, Ынтымақ пен милләт⁵³ қамын бәрі ойламас.

Жамандықтың базарына бару үшін, Жаһилеттің⁵⁴ аттарына жүген берген.

Жамандыққа ел іші кетті қаптап, Аяғымен мағарифты⁵⁵ кетті таптап.

«Өзіміздің осынымыз лайық қой!» деп Қазақтар сиырға ұқсап, кетті тарап.

Қазақ байғұс көнбейді бір айтсақ та, Қан қылып көзден жасты ағызсақ та.

Айтқанға надан адам көнбейді сол, Тілді малшы, қағазды мал қылсақ та.

Осы сөз көңліңізге майдан болсын, Білумен көңілдерге әбден толсын.

Қазағым, елім оқып, өнерлі боп, Халыққа сол өнерің тамам болсын!