Байланысты: ТА ырып экономикалы теорияны П ні мен дісі. О амды ндіріс
Өнеркәсіптік аймақ шағын өзара бөлінген кәсіпорындар орналасатын және бірегей өндірістік алаңда («бір шатыр астында») қызмет ететін объктіні сипаттайды.
Мақсаты: шағын кәсіпкерлік пен отандық тауар өндірушіні дамытуды жақсарту, кәсіпкерлерге, әсіресе қызметтің бастапқы сатысында көмектесу және қолдау көрсету
Өнеркәсіптік аймақ алаңында бөлініп қызмет ететін шағын кәсіпорындар орналасады. Олардың әрқайсысының жеке орны мен онда ұйымдастырылған өндірісі болады. Бір өнеркәсіптік аймаққа алуан түрлі шағын кәсіпорындарды орналастырудың жалғыз шарты салалық және технологиялық сәйкестік болып табылады. Өнеркәсіптік аймақтың барлық кешеннің қалыпты қызмет етуі арнайы органмен-басқарушы компаниямен қамтамасыз етіледі. Ол алаңдарды жалға бергеннен басқа бизнесті басқару мен жүргізумен байланысты басқа да қызметтерді көрсетеді.
Мемлекет тарапынан құрылып жатқан кәсіпкерлікті қолдау инфрақұрылымның көмегімен жаңа кәсіпорындардың табысы өседі және өндіріс көлемдерін өсіруге септігін тигізетін кәсіпкер мен қоршаған орта арасындағы қатынастар жүйесі құрылады.
Мемлекет арнайы құрылған даму институттары арқылы кәсіпкерлікті қаржыландыру үшін икемді жағдайлар жасайды, өнеркәсіпті дамыту мәселелері бойынша құрылған кеңес пен комиссия ағымдағы мәселелерді шешуге және даму жолындағы кедергілерді жоюға көмектеседі.
