Кеуде торын қарау және пальпациялау. Кеуде торын қарауда алдымен кеуде торының пішіні анықталады – қалыпты жағдайда дене бітіміне сәйкес болады: нормостеникалық, гиперстеникалық, астеникалық.
Кеуде торының патологиялық пішіндері:
Эмфизематозды (бошке тәрізді) – қысқа, қабырға аралығы үлкейген (өкпе эмфиземасында);
Паралитикалық кеуде торы – тегіс, тар, ұзын (туберкулезде);
Рахитикалық («тауық тәрізді») – алдыңғы, артқы өлшемдері үлкейген;
«Воронка тәрізді» («етікші кеудесі») – төстің төменгі бөлігінде ойығы болады (ұзақ компрессияда, даму аномалиясы);
Ладья (қайық) тәрізді кеуде клеткасы – төстің жоғарғы және ортаңғы бөлігінде ойығы болады.
Тыныс алу түрлері Кеуде торына қарағанда тыныс алудың түріне, жиілігіне және ритміне назар аударылады.
Тыныс алудың түрлері:
кеуделік – әйелдерде.
құрсақты (диафрагмальді) – ер адамдарда.
аралас- баларда, қарт кісілерде байқауға болады.
Тыныс алу жиілігі қалыпты жағдайда 16-20 рет минутына. Қалыпты жағдайда өкпедегі ауаның көлемі 300-900мл, орташа көрсеткіші 500мл). Тыныс алу беткей және терең болады.
Тыныс алудың патологиялық түрлері:
1. Биот тыныс алуы;
2. Чейн – Стокс тыныс алуы;
3. Куссмауль тыныс алуы;
4. Грокк тыныс алуы;
Тыныс алудың патологиялық түрлері орталық нерв жүйесінің әр түрлі патологиялық жағдайларда болады: менингитте, инсультта, ауыр улануларда,
ми жарақаттарында, агонияларда және т.б.
Стандарт: Өкпеге салыстырмалы перкуссия жасау. Мақсаты:өкпе ұлпасы және плевра қабатындағы патологиялық өзгерістерді анықтау.
Көрсеткіші:пневмония, туберкулез, ісік, ателектаз, өкпе инфаркті, экссудативті плеврит, гидраторакс, гематоракс, өкпе эмфиземасы, пневмоторакс, абцесс, өкпе туберкулезі.
Қарама-қарсы көрсеткіші:жоқ.
Асқынулары:жоқ.
