Жедел гастрит - организмнің тітіркендіргіш фактордың әсеріне өткір реакциясы. Басқаша айтқанда, ол «дұрыс емес» тамақтанып немесе химиялық, дәрі-дәрмек, созылмалы гастрит немесе басқа асқазан проблемалары аясында агрессивті тамақты шамадан тыс пайдаланғанда көрініс береді.
Созылмалы гастрит - бұл баяу, анық емес симптоматикасымен дамиды, дегенмен, жедел гастрит сияқты қауіпті ауру.
Гастритпен емдеу мыналарды қамтиды:
диета: аурудың алғашқы 1-2 күнінде тағамнан мүлдем бас тартқан дұрыс, тек ішуге рұқсат етіледі, содан кейін диеталық тағамдар қолданылады (жылы, майсыз, ашытылмаған, пюре тәрізді тағамдар);
асқазанның қабырғаларын қаптайтын және қышқылдықты төмендететін дәрілер;
хеликобактерияны жоюға арналған антибиотиктер.
Холецистит
Холецистит(cholecystіtіs; грек. chole — өт, kystіs — қап және іtіs — қабыну) — өт қабының қабынуы. Өте жиі кездесетін (әсіресе әйелдерде) ауру. Холецистит дұрыс тамақтанбаудың салдарынан өттің дұрыс ағып өтпеуінен, аз қозғалудан, әр түрлі инфекцияныңтүсуінен (іш таяқшалары, кокктар, т.б. қоздырғыштар ішек не қан арқылы таралады), сондай-ақ өт жолдарында әр түрлі себептерден тас байланудан пайда болады. Холецистит тұқым қуалайды.
Холециститтің түрлері
Созылмалы холецистит те жүрек айнуымен, құсумен, іштің және жүрек аймағындағы ауырсынумен бірге жүреді. Тіпті, кейбіріміз холециститті гастрит, жара немесе ревматизммен шатастырып жатамыз. Созылмалы холециститпен ауыратын адамдарда қыжыл және жүрек айнуы, сондай-ақ ауыздағы ащы дәм және кекіру сияқты жағымсыз белгілер болуы мүмкін. Оған қоса, үлкен дәреттің уақытылы болмауы, диарея және іш қату да болады. Холециститке шалдыққан адамның ұйқысы да дұрыс болмайды әрі ашушаң, күгелек болады.
Жедел түрінде оң жақ қабырға асты ауырады, науқастың жүрегі айнып, құсады, іші кеуіп, жиі кекіреді, дене қызуы 38 — 39°С-қа көтеріп, кейде ауырсыну жауырын мен иық-тан сезіледі. 2 — 3 күннен кейін сары аурумен ауырғандай терісі, көздің ақ қабығы сарғайып, кіші дәреті қара қоңыр түске боялады. Егер жедел Холециститті дер кезінде емдемесе, онда созылмалы түріне ауысады. Бұл кезде науқастың сәл майлы тамақ ішсе, оң жақ қабырға асты сыздап ауырады. Жүрегі айнып, құсады, аузы құрғайды.
