Адамдар, жануарлар және өсімдіктерге көрсететін патогенділік (син.:ауру қоздырғыштық) дәрежесіне қарай барлық микроорганизмдерді үш топқа бөледі: патогенді, сапрофитті және шартты-патогенділер (ШПМ).
Патогенділер (грек:pathos-азапшегу,genis-туғызу)–адамдардың, жануарлар мен өсімдіктердің жұқпалы ауруларының қоздырғыштары, эволюция барысында макроорганизммен симбионттық қатынас қалыптасуының нәтижесі болып табылады.
Сапрофиттер (грек:sapros-шіріген, phyton-өсімдік) немесе патогенді еместер – бұл өсімдіктердің және жануарлардың өлі тіндерімен немесе олардың тіршілік ету кезіндегі өнімдерімен қоректенетін микробтар. Олар макроорганизмге тәуелді емес, оларға дайын органикалық заттар қажет.
