Збекстан республикасы
БИРИНШИ БӨЛИМ. ТИЙКАРҒЫ ПРИНЦИПЛЕР
жүктеу/скачать 371,64 Kb. Pdf көрінісі
|
kr
- Бұл бет үшін навигация:
- 6-статья. Өзбекстан Республикасының пайтахты – Ташкент қаласы. II бап. Халық ҳәкимияты 7-статья.
|
БИРИНШИ БӨЛИМ. ТИЙКАРҒЫ ПРИНЦИПЛЕР I бап. Мәмлекетлик суверенитет 1-статья. Өзбекстан – басқарыўдың республика формасына ийе болған суверен, демократиялық, ҳуқықый, социаллық ҳәм дүньялық мәмлекет. Мәмлекеттиң «Өзбекстан Республикасы» ҳәм «Өзбекстан» атамалары тең мәнили. 2-статья. Мәмлекет халықтың ерк-ықрарын билдирип, оның мәплерине хызмет етеди. Мәмлекетлик уйымлар ҳәм лаўазымлы шахслар жәмийет ҳәм пуқаралар алдында жуўапкер. 3-статья. Өзбекстан Республикасы өзиниң миллий-мәмлекетлик ҳәм ҳәкимшилик-аймақлық дүзилисин, мәмлекетлик ҳәкимият уйымларының системасын белгилейди, ишки ҳәм сыртқы сиясатын әмелге асырады. Өзбекстанның мәмлекетлик шегарасы ҳәм аймағына қол қатылмайды ҳәм бөлинбейди. 4-статья. Өзбекстан Республикасының мәмлекетлик тили өзбек тили болып табылады. 3 Өзбекстан Республикасы өзиниң аймағында жасаўшы миллет ҳәм халықлардың тиллери, үрп-әдетлери ҳәм дәстүрлериниң ҳүрмет етилиўин тәмийинлейди, олардың раўажланыўы ушын шараят жаратады. 5-статья. Өзбекстан Республикасы нызам менен тастыйықланатуғын өзиниң мәмлекетлик нышанлары — байрағы, герби ҳәм гимнине ийе. Мәмлекетлик нышанлар мәмлекет қорғаўында болады. 6-статья. Өзбекстан Республикасының пайтахты – Ташкент қаласы. II бап. Халық ҳәкимияты 7-статья. Халық мәмлекетлик ҳәкимияттың бирден-бир дәреги болып табылады. Өзбекстан Республикасында мәмлекетлик ҳәкимият халық мәплерин гөзлеп ҳәм Өзбекстан Республикасы Конституциясы ҳәм де оның тийкарында қабыл етилген нызамлар ўәкиллик берген уйымлар тәрепинен ғана әмелге асырылады. Конституцияда нәзерде тутылмаған тәртипте мәмлекетлик ҳәкимият ўәқилликлерин өзлестириў, ҳәкимият уйымлары жумысын тоқтатып қойыў ямаса сапластырыў, ҳәкимияттың жаңа ҳәм параллель дүзилислерин дүзиў Конституцияға қарсы болып табылады ҳәм нызамға муўапық жуўапкершиликке тартыўға тийкар болады. жүктеу/скачать 371,64 Kb. Достарыңызбен бөлісу:
|