Зертханалық ЖӨне тәжірибелік жұмыстар мазмұны
жүктеу/скачать 4,68 Mb.
|
АГРО -ДЭРИСТЕРАул ЕК 1-7 Жаданов у
| 5.3. Өрт сөндіргіш құралдар
Өрт сөндіру үшін түрлі техникалық құралдарды пайдаланады. Олар үнемі жарамды күйде болуы тиіс. Олар: - өрт сөндіру жабдықтары (су құятын бактар, өрт шелектері, құм салатын жәшіктер, өрт крандарының жәшіктері, өрт сөндіргіш аспаптардың тақтасы, өрт қауіпсіздігінің белгілері); - өрт сөндіру қондырғылары (өрт гидранттары, гидрант-колонкалары, өрт крандары, сорғылар, көбік араластырғыштар;) - өрттен құтқару құралдары (сатылар, арқандар); - өрт сигнализациясы (автоматты немесе қолмен қосылатын қондырғылары - дыбысты, жарықты, аралас); - от сөндіргіштер - олардың ауа мен көбіктің қоспасын, химиялық көбікпен, сұйықпен, ұнтақпен, қышқылмен сөндіретіні болады. - өрт сөндіретін қондырғылар - бөлменің ішіндегі отты сөндіру үшін пайдаланылады. Олар аэрозолды,сұйықты, сулы, газды, булы, көбікті, ұнтақты болады; - өрт машиналары (өрт сөндіруші автомобильдер, мотопомпалар). Ауыл шаруашылығы өндірісінде төмендегідей от сөндіргіштер көп пайдаланылады: - қолмен іске қосатын көбікті от сөндіргіштер: ОП-5, ОХП-ІО; - көмір қышқылды от сөндіргіштер: ОУ-2, ОУ-5, ОУ-8; 14-сурет. ОП-5 көбікті от сөндіргіші: 1 - қаңқа; 2 - қышқыл стаканы: 3 - сап; 4 - қақпақ; 5 - тұтқа; 6 - өзек; 7 - резеңке төсем; 8 - серіппе; 9 - бүрку түтігі; 10 - клапан; 11 - сақтандыргыш; 12 - от сөндіргіиітің түбі 15-сурет. ОУ-2 көмір қышқылды от сөндіргіші: 1 - сифон түтігі; 2 - сақтандырғыш; 3 - доңгалақша; 4 - шура; 5 – кеңбалақ түтік; 6 - болат сауыт ОП-5 от сөндіргіштің қаңқасына 400 грамм натрий бикарбонатының 9 литрлік ерітіндісіне 50 грамм мия сығындысын (солодковый экстракт) қосып толтырады. Ал стаканға 120 грамм күкірт қышқылы мен 115 г күкірт қышқылды темір тотығын көлемі 250 см3 ыстық (85-95 С) суға ерітіп құяды. Стаканға құяр алдында ерітіндіні 30-35 °С салқындатады. Бұл от сөндіргіш 1 минут жұмыс істейді. Сол уақытта 50 литр көбікті 6-8 м қашықтыққа шаша алады. Әрбір 3 жылда от сөндіргіштің жағдайын тексеріп тұру қажет. ОУ-2 от сөндіргіштің сауытының сыйымдылығы 2,5 және 8 литр болады. Оны көмір қышқылды газбен толтырады. Бұл от сөндіргіштердің шұрасына су тигізуге және оның өзін ыстық жерде сақтауға болмайды. жүктеу/скачать 4,68 Mb. Достарыңызбен бөлісу:
|