Джон Дьюи өзінің «Мектеп және қоғам» (1899), «Болашақ мектептері» (1915), «Демократия және білім беру» (1916) атты енбектерінде прагматизмге, әсіресе, оның инструментализм деген тармағына сүйеніп, білім беру философиясының негізін қалаған. Дж. Дьюи бихевиоризм психологиясына сәйкес интеллектті қоршаған ортаға бейімделудің және аман қалудың басты құралы, ол біздің қажеттіліктерімізге сәйкес шындықты өзгертуге бағытталған деп сипаттайды.
Дж. Дьюидің білім беру философиясының түйінді ұғымдары: коммуникация, ғылыми ойлау, тәжірибе.
Дж. Дьюи пікірінше, білім беру – қоғамды демократияландырудың басты құралы. Сондықтан мектеп баланың ойлау қабілетін дамыту үшін, оны еңбекке үйретуі тиіс.
Дьюи тарих, география, физика т.б. ғылыми мәліметтерді хабарлайтын оқу пәндерді шеберлікке дағдыны дамытатын іс тігу, ағаш бұйымдарды жасау ісі, слесарь ісі, кулинария сияқты тәжірибелік оқу сабақтардың айналасында топтастыруды ұсынды. Мысалы, кулинария сабағында қолданған технологиялық процестердің және азық-түліктердің физикалық, химиялық, биологиялық т.б. қасиеттерімен оқушыларды таныстырып өту керек.
