Әож 98: 801. Бисенбаев П

Алғашқыда ауызша таралып, кейіннен хатқа түсірілген әдеби мұраның бірі – «Таһир-Зухра». Ортаазиялық түркі дәстүрінде туған бұл дастан жөнінде байсалды зерттеу жазылатын уақыт жетті деп есептейміз. Мақала авторы «Таһир-Зухра» дастанының мағыналық бөліктерін әйгілі туындының өзбек, түрікмен, татар жұртына мәлім нұсқаларымен салыстыра отырып, романдық эпостың жанрлық сипатын, көркемдік бітімін және айырым-ерекшеліктерін анықтауды мақсат еткен. Мұнда шығарма желісіндегі оқиғалардың қазақтың «Қозы Көрпеш-Баян сұлу» лиро-эпосында, араб-парсы әдебиетінің әсерімен жырланған «Ләйлі-Мәжнүн» дастанында кездесетін дәстүрлі сарындармен ұқсастығы сөз болады. Сонымен бірге, жыр қойнауындағы әдеби ықпалдастық, мәдени байланыстар көрінісі сияқты мәселелер де автор назарынан тыс қалмайды. Сөз жоқ, зерттеу жұмысына өзек болған жайттардың әлем фольклорында әбден орныққан тұрақты мотивтерден тұратын туындылардың дара табиғатын тереңірек танытуға септігі тиетіні анық.