1.5. Абай тілі – қазақ ұлттық концептосферасының бастауы Әлемнің тілдік когнитивті бейнесі және оның түрлері
концептосфера бойынша зерделенеді, жалпы, тілдік концепт
туралы санадағы ақпараттар концептілік жүйеде құралады.
Концептілік жүйенің негігі қызметі – ұлттық терең ұғымдарды
бір мазмұнға реттеп топтастыра отырып, жүйелеу.
Концептосфера күрделі, біртұтас құрылым. Ол этностың
тарихын, географиялық ортасын, әдет-ғұрпын, салт-дәстүрін,
менталдық ерекшелігін, менталитетін қамтиды. Әр ұлттың
тарихы, мәдениеті, әдебиеті, ғылымы, қаншалықты бай болса,
әрбір халықтың концептосферасы соншалықты бай болады.
Концептосфера ұлттық концептердің жиынтығы болса, концепт
мағынасы тереңдетіліп, ерекше сипатқа ие болған этникалық
бірлік.
