Пән: Сөйлеуді дамыту
Білім беру саласы: Қатынас
Күні: 13.12.2022
Сынып: 0 «Ә»
|
Мектеп: «№9 жалпы білім беретін мектеп»
Мұғалімнің аты-жөні: Айбалина А.
|
Сабақ тақырыбы
|
Ажарлы қыс
|
Осы сабақта қол жеткізілетін оқу
мақсаттары (оқу
бағдарламасына сілтеме)
|
«Сөз», «Сөйлем» деген не екенін түсіндіру. «Ажарлы қыс» үлгі суреті бойынша әңгіме құрауға үйрену.
|
Сабақ мақсаттары
|
Сөз бен сөйлемнің не екенін біліп, ажырата алады. Сурет бойынша әңгіме құрауды үйренеді.
|
Сабақтың барысы
|
|
Сабақтың
жоспарланған кезеңдері
|
Сабақтағы жоспарланған іс-әрекет
|
Балалардың іс-әркеті
|
Ресурстар
|
Сабақтың басы
|
Психологиялық ахуал қалыптастыру
- Саламатсыздар ма, балалар! Көңіл күйлерің қалай?
- Балалар, мен өлең оқып берейін, сендер қай жыл мезгіліне арналғанын айтыңдар.
Далада қар борайды,
Ақ мамыққа орайды.
Мұз болады, қатады.
Жып-жылтыр боп жатады.
- Балалар, өлең не туралы?
- Қыс мезгілінде неше ай бар?
- Қыс мезгілі ұнай ма, несімен ұнайды?
- Ендеше, «Пазл» ойынын ойнайық. Сендерге сурет қиындыларын беремін. Оларды дұрыс құрастырсаңыздар, әдемі сурет шығады.
- Суретте қарап, көргендеріңді өз қиялдарыңмен толықтырып, әңгіме құрап көріңдер.
- Бұл суреттің тақырыбын сендер қалай деп атайтын едіңдер?
- Бұл суреттің тақырыбын «Ажарлы қыс» деп атасақ қайтеді, келісесіңдер ме?
- Балалар "ажарлы " – сөзі «көрікті, әсем, тамаша, сұлу» деген мағынаны береді.
|
Психологияық ахуал қалыптастырады.
Өлеңді тыңдап, сұрақтарға жауа береді.
Сурет бойынша өз ойларын айтып, әңгіме құрайды.
|
Интербелсенді тақта, суреттер, дәптер
|
Сабақтың ортасы
|
- Балалар, сендер құраған әңгімелерің сөйлемнен тұрады, ал сөйлем сөзден құралады.
- Балалар, сөз дегеніміз айтылатын бір ой. Егер сен «қыс», «қар», «шаңғы» деген сөздерді ойлап айтсаң, сол сөзді өрбітіп сөйлем құрауға болады.
- Сөйлем дегеніміз – тиянақты жинақталған бір ой. Сөйлемдердің үш түрі болады.
Біріншісі – хабарлы сөйлем. Бір нәрсені хабарлап айтады. Сөйлем соңынан нүкте қойылады. Мысалы: Мен доп ойнадым.
- Ал енді сендер хабарлы сөйлемге мысал келтіріңдер.
- Сөйлем соңына не қойылады?
- Сөйлемнің екінші түрі – лепті сөйлем. Адамның түрлі көңіл күйін – қуану, ренжу, өкіну, таңдану т.б. білдіреді. Мысалы: Алақай, бүгін менің туған күнім! Бүгін ауа-райы қандай тамаша!
Лепті сөйлем ерекше сезіммен айтылады. Ал енді сендер мысал келтіріңдер.
- Үшінші сөйлемнің түрін сұраулы сөйлем дейміз. Сұраулы сөйлемдер бір нәрсені сұрап білуді білдіреді. Соңынан сұрақ белгісі қойылады.
Мысалы: Сен жүгіре аласың ба? Сен мектепке бардың ба? Ал енді сендер сұраулы сөйлемге мысал келтіріңдер.
- Жарайсыңдар, өте әдемі сөйлемдер құрадыңдар.
|
Суретке қарап, «сөз» бен «сөйлем» айтып, мысал келтіреді.
|
Суреттер
|
Сергіту сәті
«Аққала»
|
Қар жауғанда топ бала,
Соқтық келіп аққала.
Мұрны сәбіз, үп-үшкір,
Көзі көмір қап-қара.
|
Орындарынан тұрып, бірге өлеңді айтады
|
Тақта
|
Сабақтың соңы
|
Жаңа білім мен тәжірибені қолдану
Топтық тапсырма. «Артығын тап» ойыны. Суреттерге сөйлемдер құрау.
І топ: Қыстық ойындар
ІІ топ: Қыстық киімдер
ІІІ топ: Қыстық ауа-райы
Рефлексия. «Қолыңмен көрсет»
|
Суреттерге сөйлемдер құрайды. Артық заттарды табады.
|
Суреттер, плакаттар.
|
Достарыңызбен бөлісу: |
