Капитал салымдарының тәуекелі – кәсіпкерлік қызметтің нақты түрінің тәуекелі, ол қаражаттарды салудан күтілетін қайтарымды алмау мүмкіндігімен байланысты. Бұл тәуекелге жоғарыда айтылған барлық тәуекелдер кіреді. Тәуекелді талдаудың қызметі – потенциалды инвесторларға жобаға қатысудың мақсаттылығы жайлы шешім қабылдаудың қажетті деректерін беру мен мүмкін қаржылық шығындардан қорғану шараларын алдын-ала ескерту.
Белгісіздікті талдаудың екі әдісі бар:
1) ықтималды-статистикалық әдістерді пайдалана отырып, белгісіздікті талдау. Бұл әдістер еңбек сыйымды болады, іздеуді және көп мөлшерлі сандық ақпаратты тартуды талап етеді, бұл тек білікті мамандар күшіне сай келеді.
2) қысқартылған әдістермен белгісіздікті талдау. Бұл әдістер Халықаралық инвестициялық жобаны жүзеге асыруда кәсіпорын менеджментін жетілдіруге, және де Халықаралық инвестициялық жобаның мақсаттылығын негіздеу үшін жеткілікті тиімді болады. Бұл әдістер келесілерді пайдаланумен байланысты:
- сезімталдықты талдау;
- Халықаралық инвестициялық жобалардың сценарийлерін талдау.
Негізінде Халықаралық инвестициялық жобалауда екі әдіс те тізбектей орындалады – алдымен бірінші, содан кейін екіншісі. Мұнда біріншісі міндетті, ал екіншісі – едәуір қажетті, әсіресе егер ірі Халықаралық инвестициялық жоба қарастырылса.
Достарыңызбен бөлісу: | 
