Конфликтідегі мінез-құлықтың ережелері

-егер серігің соншалықты ашу-ызаға берілсе, оның ішкі сезім күштерін 
төмендетуге көмектесу керек. Өйтпейінше, онымен келісу өте қиын немесе 
мүмкін емес. Оның ашулы сәтінде өзіңді сабырлы, сенімді ұста. Бірақ өзіңді 
жоғары қойма. Егер адам ашуға қатты берілсе, ойы теріс пікірлер мен 
сезімдерге толады. Сондықтан қалайда оның өз-өзіне келуі үшін әрекет ету 
керек; 
-серігіңнің өзінің тілек, талабын сабырмен түсіндіруді талап ет. Осы 
жағдайға байланысты тек ғана нақты дәлелдер мен мысалдарды ғана негізге 
алуын түсіндір. Адамдарға тән қасиет дәлел мен сезімді шатастырады. 
Сондықтан да серігіңнен «айтып тұрғаның нақты дәлел ме, әлде пікірің бе» 
деп сұрап ал; 
- ашуды күтпеген әдістермен қайтар. Серігіңнен сенімді түрде басқа бір 
кеңестер сұра, бірақ бұл кеңестер оған маңызды болуы тиіс. Оған әр түрлі 
әзіл-қалжыңдар айт. Ең бастысы, сенің өтініштерің, еске түсірулерің, 
қалжыңдарың оның ашуын қайтаратындай болу керек; 
-серігіңе қарсы баға берудің орнына өз сезімдеріңді айт. «Сен мені алдап 
тұрсың –ау» дегеннің орнына «мен өзімді алданғандай сезініп тұрмын»; 
-қиындық туғызған мәселемен өзің қалаған соңғы шешімді мақұлдауын сұра. 
шешілмеген мәселенің қалайда шешімін табу керек. Серігіңмен бірге қандай 
мәселені шешу керегін анықта, одан соң бірге күш салыңдар. Өзіңді ашуға, 
сезімге билетпе; 
-серігіңе шешімін таппаған мәселелер жөніндегі ойын және одан шығудың 
жолдарын айтқызып көр. Бұл жағдайда кінәлі адам іздеп, болмаса түсіндіріп 
әуре болмай, одан шығудың жолын ізде. Бір ғана нұсқамен тоқтап қалма. Ең 
соңында көңіліңдегі бірнеше пікірдің біреуіне тоқта. Алайда, серігіңмен 
келісуді есіңнен шығарма. Өйткені жетістікке, жеңіске бірге жетулерің 
керек; 
-қандай жағдай болмасын серігіңе өз пікірін сақтауға мүмкіндік бер. Өзіңді 
еш уақытта өз қолыңнан шығарма, ашуға ашумен жауап беруге мүлдем 
болмайды. Оның ар-намысына тиме.Тіпті сенімен амалсыздан келіскен 
жағдайдың өзінде сені еш уақытта кешірмейді. Сондықтан оның өзіне емес, 
іс-әрекетіне ғана жауап бер; 
-оның талап-тілектері мен айтқандарының мағынасын дұрыс қабылда. «Сіз 
осыны айтқыңыз келді ме? Мен сізді дұрыс түсіндім бе?-деп жиі-жиі 
сұраңыз. Бұл әдіс дұрыс түсінбей қалудан сақтандырады және оны 
ықыласпен тыңдап отырғаныңызды көрсетеді; 
-өзіңді тең ұста. Өзің сенімді, сабырлы бол. Серігіңді ашу-ызаға берілуден 
сақтау екеуіңді де абыройсыз жағдайға қалдырмайды; 
-кінәлі болсаң, кешірім сұрауға ұялма. Біріншіден, ашудың алдын аласың. 
Екіншіден, саған көзқарасы өзгереді. Өзіне сенімді, өзін жетілдірген адам 
ғана кешірім сұрай алады; 
-қарама-қайшы ойлар шешімін тапқан соң, ол адаммен қарым-қатынасыңды 
сақтауға тырыс; 
-серігіңе сыйластық сезіміңді көрсете отырып, түсініспеушіліктен болған 
арадағы жағдайға қиналатыныңды айт. Егер арадағы қарым-қатынасты 

дұрыс сақтасаң, оның сенімен алдағы уақытта да бірге жұмыс істейтіні 
даусыз. 

жүктеу/скачать 0,5 Mb.

Достарыңызбен бөлісу: