18 маусым. Нангорхар уәлаятындағы Тур-Бур шатқалында орналасқан көтерілісшілердің ірі базасына шабуыл басталды. Келесі күні база талқандалды.
25 маусым. Моджахедтердің біріккен Ислам одағының жетекшілері одаққа берік екендіктерін құранға ант берумен дәлелдеді және оның хартиясын қабылдады.
Қыркүйек. Кеңестік және ауғандық әскерлер шартты «Мармоль » атауымен қиын операция жүргізді. Балх уәлаятындағы Мазари-Шариф қ-ның оңт-не қарай 25-30 шақырымда тауда орналасқан көтерілісшілер базасы талқандалды.
Қыркүйек- желтоқсан.Моджахедтерге қарсы 46 операция жүргізілді.
Қазан. Ургун операциясы жүргізілді.
1982ж.
Бұл жылы 1948 кеңестік жауынгер иен офицер , оның ішінде 168 қазақстандық қаза тапты. Қаңтар-ақпан. Кандагар, Парван, Каписа уәлаяттарында, әсіресе Панджно шатқалының кіре берісіне таяу Жабал-Уссарадж, сонымен қатар уәлаят орталықтары Чарикар (Парван уәлаяты) мен Махмудракиге (Каписа уәлаяты) жақын жерлерде ауыр ұрыс қимылдары жүрді.
Сәуір. Нимроз уәлаятында жауынгерлік іс-қимылдары жүрді.
18 мамыр-маусым. Ахмад Шах Масуд құрамасына қарсы 5-Панджер операциясы жүргізілді.Оған 20 ауған және 15 кеңес баталлоны, 320 танкіге қарсы техника, 155 зеңбірек пен минаатар, 104 вертолет пен 26 саиолет қатыстырылды. Ахмад Шах 1984 жылдың сәуіріне дейін Панджерда бітімге келуге келісті.
Мамыр. 40-армияның қолбасшылығына генерал В.Ф.Ермаков тағайындалды. Оның басшылығымен Парван, Каписа, Газни уәлаяттарында жауынгерлік операциялар , сонымен қатар Ауғанстанның Пәкстан, Иранмен шектесетін мемлекеттер шекарасын жабуға ауқымды жұмыстар жүргізілді.
Тамыз-қыркүйек. 6- Панджер операциясы жүрді, нәтижесі сәтсіз аяқталды, бұл өңірде үкімет билігі нық болмады.
Желтоқсан. Ауған басшылығы мұнда өкімет билігінін орната алмағандықтан, Панджер шатқалынан әскер шығарылды.
1983ж.
Кеңес әскерінің шектеулі контингенті 1446 адамнан айырылды, оның иішінде 72 қазақстандық бар.
2 қаңтар. Қарсыластар азаматтық қызметтегі 16 кеңестік маманды ұрлады, оларды тауға түсірілген десанттар көмегімен бір айдан кейін ғана босатуға тура келді, бірақ алтауы қаза тапқан.
19 мамыр. Пәкстандағы КСРО нлшісі Смирнов Ауғанстан мен КСРО-ның «Кеңес әскерінің шектеулі контингентін шығарудың мерзімін белгілеуге » ынталы екенін ресми мәлімдеді.
