Мерекелік ертеңгіліктердің барлық түрлері (ән салу, музыка ырғағымен қимылдар жасау, би билеу, музыка аспаптарында ойнау) балаларды музыканы сүйе білуге баулудың ерекше бір түрі.
Ойын-сауық эстетикалық тәрбие құралы. Мысалы: қуыршақ, көлеңке, саусақ, конус, үстел-үсті театрларының мазмұны эстетикалық сезімді оятады.
Ойын-сауықтар бір немесе бірнеше жас топтары үшін бір мезгілде ұйымдастырылады. Балалардың спектакль көруі,туған күн тойлауы, қызықты кештер ұйымдастыруы жылы сезімге баулиды және қажетті жүріп-тұру дағдыларын қалыптастырады. Балабақшада ойын сауықтың екі түрі пайдаланылады: - Белсенділігі орташа деңгейдегі ойынсауық (Мұндағы негізгі міндет ересектерге жүктеледі); - Белсенді ойын-сауық (Мұнда негізі рөлді балалардың өздері атқарады). Ойын сауық жоспары жасалынады. Музыкалық ойын-сауықтарға музыка жетекшісі тікелей қатысады. Ал, өзге сипаттағы жоспарланған ойын-сауықтарды тәрбиеші өз бетімен өткізеді. Әрбір мерекенің және ойын-сауықтардың мазмұны балаларға қуаныш пен жақсы сезім қалыптастыра алғаны жөн. Сондықтан мерекеде өнердің бірнеше түрін ұштастырып, мұқият ойластырып жоспарлаған жөн. Қай нәрсені алсақта, жоспар бойынша жүзеге асырсақ, нәтижелі жұмыс көре аламыз.
15. Балабақша мен мектеп жұмысындағы сабақтастық Сабақтастық дегеніміз, біріншіден, екі буын арасындағы ортақ мақсат міндеттер, ортақ мазмұндық жүйе, баланы жүйелі сатылы дамыту, бір буыннан екінші буынға неғұрлым сәтті өтуге бағыттауекіншіден білім берудің әдістемелік жүйесінің әрбір компонентінің үйлесімділігі. Бидосов былай деген “Сабақтастық дегеніміз –балабақша және мектепалды даярлық сыныбына мектептегі оқу іс-әрекетін оқытудың әр түрлі сатысында балалардың білімдерінің арасында қажетті байланыстар мен қатынастар орнату”. Балалар білім икемдігі мен машықтарын пайдалану және одан әрі дамыту кезінде олардың оқу іс-әрекетінде әр алуан байланыстар орнату, жаңа білім мен бұрынғы білімді өзара байланыстыру. Сонымен бірге, білімді кеңейту мен тереңдету, сөздік қорларын байыту”.
