қабатында, тілде байқалады. Осы мүшелерде ұлпалық базофильдер ұсақ қан мен лимфа тамырларын бойлай орналасады. Ұлпалық базофильдердің негізгі қызметі қанның ұюын төмендетіп, қан тамырлар қабырғасының өткізгіштік қасиетін жоғарылатады, қабыну процесіне қарсы тұрады, иммуногенезге қатысады. Ұлпалық базофильдер цитоплазмасында түйіршіктер болады. Олардың құрамында қанның ұюына кедергі болатын гепарин бар.
Кейбір жануарларда сонымен бірге гиалурон, хондриотин күкірт қышқылдары және физиологиялық активті заттар — гистамин мен серотонин бар. Физиологиялық активті заттар жасуша аралық заттардың құрамын реттеп отырады. Ұлпалар зақымдалған кезде гистамин бөлінеді. Ол тамырлардың кеңеюін, бірыңғай салалы бұлшық еттердің жиырылуын қамтамасыз етеді және асқазан сөлінің бөлінуіне себепші болады. Соныменен, ұлпалық базафильдер өзіне жақын аумақтарға ғана әсерін көрсете алады.
Плазмалық жасушалар немесе плазмоциттер - лимфоидты мүшедегі В-лимфоциттерден дамиды. П ішіні жұмыр немесе сопақша ұсақ жасушалар, ядросы жасушаның бір жағына ауытқи орналасқан, цитоплазмасы базофильді боялады, құрамындағы түйіршікті эндоплазмалық тор жақсы жетілген. Плазмоциттер көмекей бездерінде, көк бауырда, лимфа түйіндерінде, бауырда, ішектің кілегейлі қабатында, сілекей бездерінің стромасында т.б. мүшелерде
