Ойын арқылы оқыту.
«Ойын – балалар өмірінде өте маңызды зор нәрсе, үлкендердің қайраткерлігі, жұмысы, қызметі қандай маңызды болса, балалардың ойыны да сондай маңызды. Ойында бала қандай болса, өскен кезде жұмыста да, көбінесе, сондай болады. Сондықтан болашақ қайраткер, ең алдымен, тәрбиені арқылы алады
А.С.Макаренко
Логопед мамандары түзету жұмыстарында балалардың тілін дамыту, сөздік қорларын да мыту, ауызша сөйлеуге үйрете отырып, үйренген сөздерін күнделікті өмірде еркін қолдану, әрі оны күнделікті іс-әрекет кезіндегі тілдік қарым-қатынаста қолдана білуге жаттықтыруды ойын арқылы жүзеге асыруға ерекше мән береді. Ойын – баланың шын тіршілігі. Ойын арқылы бала айналасындағы нәрседен өзіне қызықтырған әрекетке ықыласы ауып, таңдап алады. Баланың бір ерекше қасиеті ойнау мен сөйлеуден еш жалықпайды. Ойын бала тілінің дамуына ықпалын тигізіп, таным белсенділігінің дамуына жол ашады. Қай бала болмасын ойынмен өседі, сондықтан бала табиғатының өзі тек ойынмен байланысты. Ойын үстінде бала еш нәрсеге тәуелсіз. Ол өзін еркін ұстайды. Ал еркіндік дегеніміз барлық дамудың баспалдағы, бәрін білуге деген талпынысы менқұлшынысы. Демек, баланың білуге деген құштарлығы, сөйлеуі ойын үстінде қалыптасады. Ойын ұйымдастыруды өзіңіз жетекші бола отырып, баланы ойнай білуге, ойын ережесін сақтауға, әрі оны ойната отырып, ойлануға бағыттап, заттың атын немесе қасиетін есінде сақтап қалуға жол ашасыз, ойынға қызықтыра отырып зейінін, қиялын дамытасыз. Сонымен қатар ойын барысында бала өз қатарластарымен алғашқы қарым-қатынасқа түседі. Ойын ойнарда баланың жас және жеке ерекшелігін ескерген жөн.
Кіші мектеп жасындағы балалардың сөйлеу тілінің кемістігін дамытуға арналған ойындар топтамасы
Достарыңызбен бөлісу: |
