Ақ Сарбаз Әлемі. indd
жүктеу/скачать 3,4 Mb. Pdf көрінісі
|
Ақ Сарбаз Әлемі
| ҰСТАЗ ТӘЛІМІ
Ұстазға қанша жыл шәкірт бола жүріп өзіме бірдеңе сұрауды ойламаппын. Бұған себеп Ұстаздың өте қарапайым өмірі, тым қанағатшылдығы еді. Ұстазымның комфорттан бас тартып, қарапайым тірлік кешіп жатқанын көре тұрып, одан артық тұрмысты сұрауға арым бара ма? Алайда ел мен жерге қатысты қиыншылықтарды айтып Ұстазды мазалауға батылым баратын. Менің сұрақтарыма Ұстаз: – Қазақтың қиыншылығы Әлем Кармасын көтергендігінен ғой. Қазір күллі Ғарыштағы Зұлымдық Күштері қазақ жерін соңғы қамалы жасап бекініп алды. Бүгінгі алпауыт, бай боп жүргендерге қызықпай-ақ қой! Олар – болашақ акулалар! Ал, ең басты қылмыскерді мен, өлген соң шошқа қылып жаратамын! – деді ызғарлы үнмен – бұндай шошқада адами сана сақталады. Ал, оны сойған кезде адамша қиналатын болады. Оның шошқа өміріндегі бар арманы: «циркке тап болсам» деп тілейді. Ақылды шошқалардың қайдан шығатыны енді түсінікті шығар? Сексен алтының желтоқсан қырғынынан кейін Ұстаз қаһарына мініп, Жер Ғаламшарын түгел құртуға бекінген ғой. Оның ашуын басып, райынан қайтару үшін Ғарыш оған Жерұйық планетасын ұсынған. Және Жер эволюциялық жолымен дамып, Алтыншы Саты адамдары өздері оянғанға дейін қоғамдағы еш нәрсеге араласпай тыныш отыруы жөнінде ант алған. Егемендігін енді алған қазақ мемлекетінде тамырлап бара жатқан жемқорлық пен жат дін ағымы, өзге елдер тарапынан жасалып жатқан қорлыққа еш шара қолданбай тыныш қарап отыру Ұстазға өте ауыр тиіпті. 51 – Мен көшеге шығып базарға қарай бара қалсам мені көрген қазақ жігіті мен жаққа бір түкірмей өтпейтін болды. Өздері сезбесе де мұны рухы істетеді. Өз-өзімнен қорынғаным сондай, тіпті көшеге шыға алмайтын болып қалдым – деп күйіне әңгімелейтін. – Неге сіз жаққа қарап түкіреді? – Біз сен үшін желтоқсанда қан төктік. Ал, сен қазіргі қорлығымызға жай қарап қана отырсың! – деген өкпесі ғой. Ұстаздың аса сезімтал Жаны кез-келген тіршілік иесімен рух деңгейінде түсінісе алатын еді. Әңгіме дәстүр тақырыбына ауысты. Мен жапон самурайларының өз өздерін өлтіретін харакири дәстүрі туралы сұрадым: – Өз-өзін өлтіру барлық дінде күнә болып саналады ғой. Ал, өзіне харакири жасаған жапондыққа не болады? – О дүниеде өте құрметтеледі! – деп жауап қатты Ұстаз. – Не үшін? – Ата салтын сақтағаны үшін! Біздің «азды-көп жауды санамай, жалғызбын деп қарамай» елін-жерін қорғап жауға шапқан көзсіз батырларымыздың бәрі өлген соң ел түнейтін киелі орынға айналатыны ойыма оралды. – Қазақтың аруақтан бала сұрағаны, көмек сұрағаны дұрыс па? – Әрине дұрыс! Әруақтар Құдай мен екі араны жалғап тұрған арқан іспетті. Биік Дүниеде ешкім де жеке-жеке өмір сүрмейді Құдайлық санамен бірігіп өмір сүреді. Құдайды – Шың деп елестетсек, Шыңға өрмелегенде арқан керек. Арқанды лақтырып тастасаң шың басына қайтіп шығасың? Әруақ та сол сияқты. Әруақтың қолдауынсыз батыр да би де жырау да іс жасамаған. Қазіргі қазақ жастарының дүрмекке ілесіп дүрдитіп сақал қойғаны, қыздарымыздың қымтанып-шымқанып алғаны діннің мағынасын танымағандығынан екенін әңгімеледі. Менің: «өзі аз қазақтың жастарын жат ағымға жібермеуге болмас па еді?» деген ойымды көрген Ұстаз, ешкімді мұрнынан Ұстаз туралы 52 Ақ Сарбаз Әлемі жетелеп Құдайға алып баруға болмайтынын ұқтырды. Құдайға қорқытып, күшпен апарар құл керек емес, Ғарышты жасантып көркейтер Ұл керек! Кезінде: «он миллион қазақтан бір миллионы қалса да рахмет айтар едім! – деп отыратын. Ғарыш Құрылысшысы болу оңай емес. Жердегі 6 млрд адамзаттан Ақ Сарбаздың артынан еріп 6 құрылысшы шықса да Ғарыш үшін үлкен сый болмақ. «Көптік қайда болса – боқтық сонда!» «Асылдың азы жақсы». Қазақ мұны: «текті айғырдың үйірі аз болады» деп мақалдамайтын ба еді?! |