Тамақтану – адам денсаулығы үшін маңызды фактор. ауа-
мен қатар тамақ – адамның өсуіне, өсіп келе жатқан адам ағзасына,
денсаулығына, жұмысқа қабілеттілігіне, барлық тұрғын топтарының
шығармашылық белсенділігіне, ерте қартаюдың алдын алу профилак-
тикасы, ауруларды ескерту және емдеудің маңызды биологиялық фак-
торы болып табылады.
тағамдық құндылығына қарай адам ағзасында тағамдық раци-
ондар жетіспесе немесе асып кетсе, «дұрыс тамақтанбау аурулары»
дамиды, ағзаның әртүрлі ауру тудыратын факторлар әсеріне қарсы
тұруы әлсірейді.
теңгерімді рационның бұзылуы нәтижесінде патологиялық
өзгерулер бірден пайда болмайды. адамда белгілі болған жүзге жуық
ауру бар, оларды емдеуде дұрыс тамақтану негізгі рөл ойнайды. ата-
аналардың дұрыс тамақтанбауы келешек ұрпақтардың денсаулығына
зияндылық әкеледі.
тағам адам ағзасына тіпті ішкі ортаға келіп түскенше әсер етеді.
и.п.павлов тағамды қабылдау кезіндегі әртүрлі факторлар (дыбыс,
қоршаған орта т.б.) сілекей бездерінің, асқазан сөлін, зат алмасуды
арттыратынын байқаған.
