Әжелеріміз майға сақар қосып «қара сабын» жасаған. Қара сабынды жасаудың бірнеше кезеңі бар. Сол әдіс бойынша ақ қайыңның ағашын жинап алып, өртедік.
Жанып болған ағаш күлін суығаннан кейін кендір қалтаға салып, жинадық. Егер күлдің қорытындысы кесек-кесек болса, ондай қорытпадан мол сақар алуға болады. Көп сақар алу үшін де күл көп болуы керек. Жиналған күлді темір шелекке салып, күлдің үстіне қайнап тұрған суды құйып араластырдым. Оны 3 апта бойы тұндырып қою керек екен. 1 үлкен қалташа күлге 3 литр қайнаған су құйып 1 апта бойы тұндырып қойып, қойса, сол су сақарға айналады. Сақар дегеніміз –сабын құрамындағы негізгі қоспа.
