Қалас жамалов әлемдік өркениет іздері: ежелгі шығЫС

46
Өткен ешкімнің есінде жоқ,
Жақсылыққа жақсылық күте алмайсың.
Мен бүгін кімге сырымды айтамын?
Достар мейрімсіз,
Аяушылықты жаттан ізде!
Мен бүгін кімге сырымды айтамын?
Төмен қараған,
Бауырдың беті сырт айналған.
Мен бүгін кімге сырымды айтамын?
Жүректерге ашкөздік орнықты,
Олардан тірек іздеуден не шығады?
Мен бүгін кімге сырымды айтамын?
Әділеттілер жоқ,
Жер мекерлерге берілген.
Мен бүгін кімге сырымды айтамын?
Жан достар жоқ,
Бейтаныспен шер тарқатылады.
Мен бүгін кімге сырымды айтамын?
Бақыттылар жоқ,
Кіммен дос болсаң, олар да жоқ.
Мен бүгін кімге сырымды айтамын?
Иықта – жаманат ауыртпалығы,
Сырласатын дос та жоқ.
Мен бүгін кімге сырымды айтамын?
Жауыздық жерді судай басты,
Оның шеті де, шегі де көрінбейді.
Үшінші наразылық: 
Маған ажал 
Аурудан айығу, 
Қасірет тұтқынынан шығудай 
боп бүгін көрінеді. 
Маған ажал 
Хош иісті мирра, 
Самал соққан 

47
Папирус көлеңкесінде отырғандай 
боп бүгін көрінеді. 
Маған ажал 
Лотостың хош иісі, 
Масайған шақ, алаңсыз тыныштық 
боп бүгін көрінеді. 
Маған ажал 
Жорықтан үйге қайтатын
Даңғыл жолдай
боп бүгін көрінеді.
Маған ажал 
Аспанның ашылғанындай, 
Жасырынған ақиқатты ұғынудай 
боп бүгін көрінеді. 
Маған ажал
Ұзақ жылғы бұғаудан кейінгі
Туған үйімдей
боп бүгін көрінеді.

жүктеу/скачать 36,74 Mb.

Достарыңызбен бөлісу: