«алаш мәдениеті» ҚОҒамдық Қоры
жүктеу/скачать 1,01 Mb. Pdf көрінісі
|
| КЕНЖЕТ МҰҚАҒАЛИ
Аңдатпа: Алқалы топта оқ бойы оза шауып, тағылымды та- рихты, өскелең ұрпақты жырлау дарабоз ақындар- дың ғана қасиеті. Мен өз өлеңімде өткен мен бү- гінді, жалынды жастардың жігерін жіпке тізгендей өрнектедім. Бабаларымыз салған сара жолды, жастарымыздың жалғауы парыз! Аннотация: Стихотворение, написанное в честь Года молоде- жи, отражает любовь к земле и земле, безупреч- ное чувство и красоту природы. Молодые таланты поддерживают родную страну как опору поддерж- ки страны, и ее процветание сопровождается пла- менем молодежи. Abstract: The poem, written in honor of the Year of Youth, reflects the love of the earth and the earth, the impeccable feeling and beauty of nature. Young talents support their home country as a pillar of support for the country, and its prosperity is accompanied by the flame of youth. * * * Ел мұңын өткен бастан биік көріп, Біз ежелден әлді едік, иықты едік. Ұлтараққа жарымай кеткен бабам, Маған байлық қалдырған үйіп-төгіп. Төрге асығып төресі ел үшінде, Қол жасырып қалмаған жең ішінде. Менің бабам ең алғаш қолын қойған, Еркіндікпен жасалған келісімге. Кейде өрлікпен, Кейде елді сүйгендіктен, Ертеректен мұңға да ми көндіккен. Еркіндігі езгінің басын кесіп, Азап-мұңы азаттық күймен біткен. Тәңірдің тартуына себепкер боп, Ертеңіне еш мұңды елеткен жоқ. Менің бабам көтерген керегенің, Іргесінен жау түгіл жел өткен жоқ. Асқақтықпен жаралса тегінде адам, Асып түспес даңқынан небір заман. Дауылға да еңкеймес еркіндікті, Еншілеп кеткен бізге, сенің бабаң. Менің бабам! Далам да асқақ, қорғаған бабам да асқақ, Жараспас асқақтықтан маған басқа ат. Бабамның табанының табы қалған, Жолдың бәрі келеді маған бастап. Мен солай жаралғанмын батырдан хас, Шығарған да сол бабам атымды алғаш. Енді оның аманат пен ақ арманын, Қылдай қиянаттауға хақым болмас. Қайратына сендірер бектің де өзін. Қазір менің қылыштан өткір кезім, Аспанның бір тілімін байрақ қылып, Дулыға етіп киетін көк күмбезін. Арының алдындағы адалдықпен, Бұл күнді менің ата-бабам күткен, Қазір менің қасқайып тұрар шағым, Бас көтерсем қол соғар ғалам біткен. Жастығымның лаулатып жанар отын, Қайта құрып бірліктің қағанатын. Өзімді емес, өлгенше сақтап өтем, Адамның һәм Бабамның аманатын! 62 63 Әпке Білем, саған осы күнде тар көше, Кеше жүрген екеуің. Сенен асқан бақытсыз жан бар десе, Сен сенбейсің, не етемін?.. Сүйіктіңді құшатұғын кең құшақ, Сенде, жерде ғана бар. Сенің сертті жүрегіңе белгі сап. Енді ол жерді паналар. Қабылдаған енді бөтен жан ғой, деп, Сені кеше сыңарыңа қосқан үй. Мойыныңда біздің тағдыр бар ғой, деп, Мойыныңа асылады қос сәби. Күлмек түгіл, кездеріңде аз көңілді, Езуіңде болып алды еріншек, Сені мазақ еткендей боп көрінді, Күйеуіне еркелеген келіншек. Сенің ғана жүрегіңнің аттасы ол, Кеудеңді алған мекен ғып. Сол кеткелі сыңар саған бақ та, сор Бір басыңа жетерлік. Бағың құлай сүйгендігің, сорың ше, Жалғыздыққа жар болғаны өз басың. Тағдыр осы, кім бақытты көрінсе, Соның ғана көлдей ету көз жасын. Суюгеде себеп іздер әлсізге, Тәңір бұлай ауыр тағдыр жүктемес. Ажалда алмас асқақ сезім бар сізде. Енді сізге ұмытпауда түкте емес. жүктеу/скачать 1,01 Mb. Достарыңызбен бөлісу:
|