VII.Асқыну: жүйке сабының заңымдануы Асқынудың белгілері: әр түрлі зақымданудың ауырлығына байланысты: жүйкенің қабынуынан салдануына дейін.
Асқынудың себептері: егу жасайтын жерін дұрыс анықтамай инемен механикалық түрде зақымдау. Жүйке сабының қасында дәрілік депосы құралған жағдайда химиялық зақымдану.
Асқынудың алдын-алу: әр түрлі егулерді жасау жерлерін дұрыс анықтау.
Асқынуды емдеу: дәрігердің, нұсқауымен.
VIIІ.Асқыну: тромбофлебит (тромб пайда болуымен тамырдың қабынуы).
Асқынудың белгілері: тамырдың жүрісімен ауырсыну,қан кернеу (гиперемия), инфильтрат. Дененің қызуы көтерілуі мүмкін.
Асқынудын, себептері: көк тамырдың бір жеріне жиі егу жасағанда, өткір емес инелерді қолданғанда.
Асқынудың алдын-алу: көк тамырларға кезектеп егу жасау және өткір инелерді қолдану.
Асқынуды емдеу: дәрігер нұсқауымен.
IX.Асқыну: некроз (ұлпалардың өлі еттенуі) Асқынудың белгілері: егу жасаған жерінде ауырсынудың көтерілуі, ісіну, қан кернеу (гиперемия), гиперемиямен бірге цианоз (көгеру), содан кейін күлбіреу, жаралар пайда болу.
Асқынудың себептері: тері астына қателесіп қатты тітіркендіретін дәріні енгізгенде (мысалы, 10% кальций хлоридін)
Асқынудың алдын-алу: егулерді енгізу жерлеріне ғана қатаң жіберу (10% кальций хлориді ерітіндісін - тек қана көк тамырдың ішіне).
Асқынуды емдеу:
егуді тоқтату;
жіберген ерітіндіні шприцке қайтадан барынша сорып алу;
Ескерту: 10 % кальций хлориді ерітіндісін қателесіп тері астына жібергенде резеңке бұрауды байламайды, ерітінді сол жерді қатты тітіркендіру әсерімен қауіпті.
X.Асқыну: гематома (тері астына қан құйылуы) Асқынудың белгілері: терінің астында қызару мен қан ұюы пайда болады.
Асқынудың себептері: көк тамырға егуді ұқыпсыз жасағанда, тамырдың екі қабырғасы тесіледі. Өткір емес инелерді пайдаланғанда.
Асқынудың алдын-алу: көк тамырға егу жасаудың техникасын ұқыпты сақтау, өткір инелерді қолдану.
Асқынуларды емдеу:
егуді тоқтату (басқа тамырға жасау).
тамырдың үстін спирттелген мақтамен қысып ұстау.
гематома болған жеріне жартылай спирттелген компресс қою.
