Қалымбек Аян Советұлы

Айыртаудан керуен-керуен жыр көшер.

Сағынышқа орасақ кеп бәйітін,

Алтай жақтан көне мұңның лебі есер.

Сағынышын өлең толы сары күзден баса алған.

Оның қатпар тағдыры мен тарихы,

Айыртаудың санасына қашалған.

Тылсымына арттырады сенімін.

Сағыныштың өлең қонар түндері,

Күтіп жатыр оралар деп серігің.

Тағыдырының тылсымына үлескер.

Ақынның сол бейітіне барсаңыз,

Айыртаудан бәйіттері елестер.....

1997 жылы 30 – мамырда ШҚО, Көкпекті ауданы, Көкжота ауылында туған. 2005–2009 жылдар аралығында тырнақ алды туындылары аудандық «Жұлдыз» журналында жарияланып тұрды.

Қазақ тілі мен әдебиеті мамандығының 4-курс студенті.
Шығысым
Шығыс жері әрдайым да есімде,

Көркем оның рауан таңы, кеші де.

Тулап жатқан толқынымен Ертіске

Көз тоймастан қараймын мен тесіле.

Құлагердей шауып жүрем көсіле.

Алтай менен Тарбағатай тауынан

Салқын самал тұрады әркез есіле.

Катон менен Алакөл бар біз жақта

Сән беретін шуақты ай кешіне.

Марқакөл бар аққу мен қазы кетпеген,

Жандар шыққан бұл өлкеден тек қана

Батырлықпен даңқы шыққан көптеген.

Қанша жерді шарласам да, бәрібір –

Туған жердің көркеміне жетпеген.

Мақтанамын Шығысымның барына,

Жаралғансың ей, Шығысым бағыма!

Бір қадамға алыстасам өзіңнен

Бір сәтте-ақ кетер жүрек сағына.