Қазақ тілін оқыту әдістемесінің мақсаты – болашақ мамандарды олардың кәсіби педагогикалық қызметіне қажет тілді әдістемелік тұрғыдан оқытуға тірек болатын теориялық және әдіснамалық даярлықпен қамтамасыз ету; теориялық білімдерін қалыптастыру мен дамытуға ықпал ететін кәсіби білік, дағдылары мен қабілеттерін қалыптастыру.
Қазақ тілін оқыту әдістемесінің міндеттері:
қазақ тілін оқыту әдістемесінің негізгі мазмұны мен категорияларын аша отырып, оның қолданбалы ғылым ретіндегі маңызын түсіндіру;
қазақ тілін оқыту әдістемесін зерттеген ғалымдардың еңбектерімен таныстыру;
қазақ тілін оқыту әдістемесі бойынша жеткен жетістіктер және тәжірибелерді оқыту үрдісінде қолданудың жолдарын меңгерту;
қазақ тілін оқыту әдістемесі саласының қазіргі таңдағы жаңа бағыттары мен өзекті мәселелерімен таныстыру;
қазақ тілінің ұстанымдары мен әдіс-тәсілдері туралы білімдерін толықтыру;
түпкі нәтижеге бағдарланған құзіреттілік жайлы түсініктерін кеңейту;
студенттерді мектепте оқытылатын қазақ тілінің нысаны және міндеттерімен таныстыру;
мектептегі қазақ тілі курсының әдістемелік мәселелерін қарастыру;
студенттердің кәсіби біліктіліктерін қалыптастыру (күнтізбелік жоспар, сабақ жоспарын дайындау, сабақ түрлерімен таныстыру, оны қолданудың жолдарын үйрету т.б.);
өздігінен ғылыми-әдістемелік әдебиеттерді игеру дағдыларын жетілдіру;
қазақ тіл білімі салаларын меңгертудің әдістемелік жолдарын игерту;
оқушылардың білім деңгейін бағалауға үйрету.
Осы дәріске ағымдық, аралық, қорытынды бақылау бойынша тест тапсырмалары және сұрақтар 1 Т Қазақ тілін оқыту әдістемесі курсының мақсаттары: А Мектепте қазақ тілін оқытудың ерекшеліктерін теориялық тұрғыда меңгерту
В Ұлттық менталитеті жоғары маман даярлау
С Қазақ тілін оқыту үдерісін практикалық тұрғыда меңгерту
D Cөз мағынасын ажыратуға үйрету
E Сөйлем мүшелерін оқытуды меңгерту
F Қазақ тілін өзге тілдермен салыстыруға үйрету
G Оқушының жазбаша тілін дамыту
H Сыныптан тыс жұмыстар ұйымдастыру
