4.3.3.1 Мәтіннің жанрын (мақал-мәтелдер, бата, аңыз, мысал, өсиет әңгімелердің) жанрлық ерекшеліктерін және көмекші сөздердің қолдауымен пайымдау мәтінін анықтау
4.4.2.1 Оқыған/аудио/бейнематериалдың мазмұнын дайын жоспар негізінде
жазу
Мұғалім жаңа сабақты бастар алдында компьютерін қосып, сынып ішінде баяу әсем әуен (мүмкін, күй) қосып қояды. Балаларды таңғалдыру үшін арасында мұғалім қосылып ән шырқап қояды немесе әуенге тамсанғандығын көрсетіп, мимикасын түрлі құбылтады. Ал қоңырау соғылып, сабақ басталғанда (немесе сабақ басталып кетсе де әуеннің сиқырынан шыға алмай жүргендей сыңай танытып) мұғалім оқушыларға жаңа сөз мағынасын табиғи әрі іс-әрекетпен түсіндіру мүмкіндігіне ие болады және жаңа тақырыпқа сыныпты еркін енгізетін болады. Осылайша, ұйымдастыру бөлімі мен жаңа сөзді таныстыру астаса үндесіп жүзеге асады. Мұғалім бұл кезеңде оқушылардан:
- Маған таңғалдыңдар ма, балалар? Мен бұл әннің сазын өте қатты ұнатамын. Балалар, сендерге мен тыңдаған саз (әуен) ұнады ма? –
деп мұғалім сөйлеміндегі әр сөзге екпін түсіріп айтады және мағынасын түсінуге жетелейді. Қосалқы мысалдар келтіріп мағынасын әбден ұғындырады. Одан әрі оқулық бетіне оқушылардың назарын аударып, сурет арқылы естіген жаңа сөздерін бекітеді. Сынып болып мысалдар келтіреді немесе өткен сабақтағы жаңа сөздермен араластырып, ойындар ойналады. Бұл орайда мұғалім өзінің шығармашылығына орай жаңа сөздерді меңгерту тапсырмаларын түрлендіруге құқылы. «Жаңа сөз үйренейік» айдарында оқушыларға жаңа сөздердің мағыналары түсіндіріледі. Сөз тіркестері,
сөйлемдер құрастырылады.
