Қарақалпақтар арасындағы білім деңгейі

Енді қарақалпақ ер азаматтардың білім деңгейіне тоқталайық. 6 жастан бастап жоғары санағанда 699 адам, оның ішінде білім деңгейі бойынша; жоғары білімі бар – 76 адам, аяқталмаған жоғары білім – 13 адам, орта кәсіби білім – 100 адам, жалпы орта білім – 230 адам, негізгі орта білім – 88 адам, жалпы бастауыш білім – 110 адамда тіркелген.

Енді қарақалпақ әйелдерінің білім деңгейіне тоқталайық. 6 жастан бастап жоғары санағанда 630 адам, оның ішінде білім деңгейі бойынша; жоғары білімі бар – 76 адам, аяқталмаған жоғары білім – 6 адам, орта кәсіби білім – 101 адам, жалпы орта білім – 197 адам, негізгі орта білім – 63 адам, жалпы бастауыш білім – 96 адамда тіркелген.

Жалпы 1999 жылғы халық санағының білім деңгейі бойынша статистикаға қарасақ қарақалпақтар арасында ер мен әйел адамның білім деңгейлері тең деп айтсақта болады [44].

2009 жылғы халық білім деңгейі және ұлттары бойынша қарақалпақ ұлтының білім деңгейіне тоқталсақ.

15 жастан жоғары қарақалпақтардың білім деңгейі. Барлығы – 2828 адам тіркелген. Соның ішінде білімі бар: Жоғары оқу орнынан кейінгі (аспирантура, магистратура, докторантура) – 2 адам, екі және одан көп – 6 адам, жоғары – 307 адам, аяқталмаған жоғары – 46 адам, орта арнаулы – 528 адам.

Бастауыш кәсіптік – 58 адам, жалпы орта – 954 адам, негізгі орта – 365 адам, бастауыш – 175 адам, мектепке дейінгі – 103 адам, сауатсыз – 284 адам тіркелген [45].

1999 жылғы санақпен салыстырғанда жоғары білімі бар адамдар артқан. Мұны 2000-ші жылдардан кейін қарақалпақтардың Қазақстанға көшіп келу қарқыны күшеюінің әсері барын ескеру керек.