| Зерттеудің деректік көздері.
Зерттеу жұмысының деректік негіздерін әр кезеңдердегі санақтар мен статистикалық жылнамалар, материалдар, мемлекет қаулылары мен көші-қон агенттігі, далалық материалдар мен архив құжаттары құрайды.
Негізгі дерек көздері Қазақстан Республикасының Ұлттық және Қазақстан Республикасының Орталық ғылыми кітапханаларындағы, қолжазба қорлары құрады. Деректік материалдардың бір тобын әр жылдардағы санақтар мен статистикалық мәліметтер құрайды. Оған: «Материалы для статистики Туркестанского края», «Статистический ежегодник 1917–1923 гг.», «Хозяйственный план Туркреспублики на 1923–1924 гг.», 1917, 1920 жж. Бүкілресейлік халық санақтары, 1926, 1936, 1939, 1959, 1970, 1979, 1989 жж. Бүкілодақтық халық санақтары, Қазіргі кездегі Қазақстанда тұрып жатқан қарақалпақ диаспорасының саны, динамикасы мен георграфиялық орналасу, білім деңгейінің көрсеткіштері туралы деректерді негізінен 1999 және 2009 жылғы жалпы халықтық санақтан алынды. Шымкент, Алматы, Нұр-Сұлтан, Атырау, Ақтау қалаларында орналасқан қарақалпақ қоғамдық этномәдени бірлестіктерімен байланыс орналытып, қазіргі таңдағы бірлестіктердің атқарып жатқан жұмыстары мен бағыттары туралы құнды мәліметтер алынды.
Достарыңызбен бөлісу: |
