Баладағы аурудың этиологиясы туралы қандай болжам келтіруге болады? Тағы қандай себептер осы ауруды туындатуы мүмкін? 3. Осы аурудың негізгі патогенездік тізбектегі түйіні қандай?
III.3-6 жағдаяттық тапсырма Науқас Г., 58 жаста, II топтағы мүгедек, 15 жылдан бері қантты диабетпен ауырады.
Ылғи пероральді диабетке қарсы дәрілерді қабылдаған, соңғы 3 жылда – инсулин
енгізіледі. Гормонның мөлшері гипергликемияның деңгейіне сәйкес тағайындалады. Бірақ
инсулиннің үлен мөлшері енгізілсе де, (тәулігіне 200 өлшем бірлігі) қантты диабет
теңгерілмеді. Науқаста кома алды жағдай жиі пайда бола бастады.
1. Науқаста дамыған жағдай қалай аталады? 2. Организмдегі инсулиннің жоғары мөлшеріне мұқтаждығын арттыратын механизмдер қандай? III.3-7 жағдаяттық тапсырма Науқас П., 46 жаста, қантты диабетпен ауырады. қосымша аурулары семіздік,
артериялық гипертензия. Науқастың анасы да қантты диабетпен ауырады. Науқас
дәрігердің нұсқауларын толық орындайды: емдәмді сақтайды, орташа физикалық
жүктемелерді орындайды, пероральді диабетке қарсы дәрілерді қабылдайды. Теңгерілген
кезеңде қан плазмасындағы глюкозаның деңгейі – 9,0 ммоль/л. Осыған қарамастан,
дәрігер қабылдайтын дәрілердің мөлшерін көтермейді.
1. Науқаста қантты диабеттің қандай түрі дамыған? Жауабыңызды дәлелдеңіз. 2. Нормогликемия болу үшін, неге, дәрігер диабетке қарсы дәрілердің мөлшерін көтермейді ? Мұндай дәрігерлік әдістік-шаралар дұрыс па?
