153
1. Науқаста нәруыз алмасуының қандай бұзылыстары бар?
Олар қалай аталады?
2. Бұл жағдайдағы гиперпротеинемияның (гиперсинтетикалық немесе
гемоконцентрациялық) сипаты қандай?
3. Глобулиндік фракцияға кіретін нәруыздардың қызметі қандай?
III.4-15 жағдаяттық тапсырма
Науқас Г., 42 жаста, созылмалы гломерулонефритпен сырқаттанады. Шағымдары:
әлсіздік, тез шаршағыштық, ұйқысының бұзылуы, тамаққа жиіркеніш сезімі, лоқсу,
денесінің қышуы. Зерттеулерде: Жалпы ақуыз – 52 г/л, альбуминдер – 24 г/л, қалдық азот
– 56 ммоль/л, мочевина – 33 ммоль/л, креатинин - 168 мкмоль/л, калий – 6,5 ммоль/л. Зәр
талдамасында – бір тәуліктегі салыстырмалы тығыздығы 1,010 – 1,012. Қойылған
диагноз: созылмалы бүйрек жеткіліксіздігі.
1.
Науқаста нәруыз алмасуының бұзылысын көрсететін өзгерістер бар ма? Бар
болса, олардың патогенезін түсіндіріңіз.
2. Тағы қандай себептер, осындай нәруыз алмасуының бұзылыстарына әкелуі
мүмкін?
3. Сіз ақуыз алмасуын сипаттайтын, қандай клиникалық-лабораториялық
көрсеткіштерді білесіз?
III.4-16 жағдаяттық тапсырма
Медициналық орталыққа екі пациент кеңес алуға келген. Біріншісінде - қызбамен,
лейкоцитозбен-16,2 х 10
9
/л,, ЭТЖ-29 мм/с жылдамдауымен қабаттасқан тыныс
жолдарының қауырт зақымдануының белгілері бар, екіншісінде - трипсин, химотрипсин
және эластазаның белсенділігі артқан, бауырдың және өкпенің созылмалы ауруларының
белгілері бар. Екі науқасқа да электрофорездік зерттеулер жүргізілді (77 сурет).
Достарыңызбен бөлісу: 
