Қазақстан Республикасының білім және ғылым министрлігі Қостанай мемлекеттік педагогикалық институты
ПӘНДІ ОҚУҒА ӘДІСТЕМЕЛІК НҰСҚАУЛАР
жүктеу/скачать 4,13 Mb.
|
Таурбаева Г.О. Тағам өнімдері анализі бойынша практикум (1)
| ПӘНДІ ОҚУҒА ӘДІСТЕМЕЛІК НҰСҚАУЛАР
Соңғы жылдары Ресей және Қазақстанның мектепте химияны оқыту әдістемесі сұрақтарына арналған периодтық басылымдарында тағамдық өнімдер анализін жүргізуге мүмкіндік беретін әдістемелер жиі жарияланып жүр. Бұл әдістемелер мектеп мұғалімдерінің оқушылармен ғылыми жұмыс жүргізуі үшін ұсынылады. Бірақ мұндай әдістемелер негізінен орыс тіліндегі басылымдарда, мысалы, «Химия в школе» журналдарында кездеседі. Сол себепті осы оқу құралы қазіргі химик-студенттерге, яғни болашақ химия пәні мұғалімдеріне қазақ тілінде ұсынылып отыр. Пән бойынша толығырақ білім алу үшін беріліп отырған оқу құралы материалдарымен қатар тағам биотехнологиясы, тағам өнімдері технологиясы бойынша қазақ тіліндегі оқулықтарды және орыс тіліндегі «Пищевая химия» (авторлары: Нечаев А.П., Траубенберг С.Е.), «Все о пище с точки зрения химика» (авторлары: Скурихин И.М., Нечаев А.П.) атты және т.б. оқулықтарды, интернет материалдарын пайдалануға болады. Оқу құралында келтірілген зертханалық жұмыстардың басым бөлігі студенттермен сабақ кезінде жасалады, яғни анализ әдістемелерін меңгеруге жақсы мүмкіншілік бар. Зертханалық жұмыстардың біразында химиялық әдістермен (сапалық реакциялар, титриметрлік анализ) қатар физика-химиялық әдістер, атап айтқанда, фотоколориметрлік әдіс қолданылады. Студенттердің «Аналитикалық химия», «Химиялық зерттеулердің физикалық әдістері» пәндері бойынша алған білімдері осы кезде қажет болады. Сонымен қатар тағамдық заттардың құрамы мен құрылысын, ас қорыту жолындағы өзгерістерін органикалық химия және биохимия пәндері бойынша алынған білімге сүйене отырып, түсінуге болады. Зертханалық жұмыстарды орындау кезінде барлық химия пәндері сабақтарындағыдай қауіпсіздік ережелерін, әсіресе қышқылдармен, сілтілермен жұмыс істеу, қыздыру және т.б. операциялар кезінде сақтау қажет. Тағамдық өнімдері компоненттерінің сандық анализін жүргізген жағдайда алынған нәтижелерді әдеби мәндермен салыстыру қажет болады. Ол үшін жоғарыда көрсетілген автор - И.М. Скурихин оқулығының соңғы беттерінде келтірілген кестелер пайдаланылады. Бұл кестелер сонымен қатар берілген тағам өнімінің химиялық құрамымен, атап айтқанда ондағы макро- және микронутриенттердің мөлшерімен танысып, сол арқылы тағам өнімінде қай компоненттер неғұрлым көп немесе аз болатыны туралы қорытынды жасау үшін пайдаланылады. Кейбір жағдайда студент тағам өнімінің химиялық құрамы және ондағы компоненттерді анықтау әдістері туралы өз бетінше зерттеген материалдарын презентация түрінде дайындайды. жүктеу/скачать 4,13 Mb. Достарыңызбен бөлісу:
|