Балашт ү с І п қ алие в б а л а л а р а у р у л а р ы
жүктеу/скачать 16,27 Mb. Pdf көрінісі
|
Б Түсіпқалиев Балалар ауруының пропедевтикасы
- Бұл бет үшін навигация:
- Қарын қалтқысын пальпациялау.
- Аускультация
| Мықын ішек
— спастикалық жағдайда жіңішке, тығыз болады, энтеритте іш ауырып қорылдайды. Терминальды илеитте (Крон ауруы) мықын ішек ауырып, жуандайды. Іш сүзегінде, лимфосаркоматозда, лимфогранулематозда мықын ішек қолға бұдырланып білінеді. Тоқ ішектің өрме және төменгі бөлігін пальпациялағанда, сол алақанды белдің оң жақ астына салып, оң қолдың саусақтарын ішке батырып, сол қолдың саусақтарымен түйіскенде ығыстырады. Көлденең тоқ ішекті терең пальпациялау, іштің орта сызығының екі жағынан, кіндіктен 2-3 см жоғары немесе төмен аймақта жүргізіледі. Саусақтарды бүгіп іш қуысына терең батырады да, ішектің үстімен жайлап басып, жылжып өтеді. Сау балалардың көлденең ішегі қолға жұмсақ цилиндр тәрізді сезіледі. Колитте көлденең тоқ ішек тығыз болып білінеді және пальпация кезінде ол ауырады. Тоқ ішек атониясында ол жұмсақ, цилиндр тәрізді болады. Мегаколонда көлденең тоқ ішек өте қатты үлкейіп, іш қуысын толық алып жатады. Қарынды терең сипалау тәсілімен тексергенде, оның үлкен иіні, ал кейде кіші иіннін анықтауға болады. Қарынның үлкен иіні әдетте кіндіктен жоғары орналасады. Қарынды пальпациялаудың дұрыстығын және оның орнын анықтау шайқау феноменімен және перкуссия арқылы бағаланады. Қарын қалтқысын пальпациялау. Емшектегі балаға сүт немесе шай береді. Осы кезде, бауырдың төменгі кенересімен іштің тік бұлшық етінің сыртқы қабырғасының аралығына саусақтардың іштің бетінің артқы жағына батыра түсіп, қарын қалтқасын пальпациялайды. Гастроптозда, қарын созылғанда, қарын атониясында, қарын қалтқысы тарылғанда, қарынның үлкен иіні өз орнынан төмен түседі. Қарын қалтқысы тарылғанда қарын қалпы іштің тіке бұлшық етінің оң жағында да анықталады. Қарын өте қатты созылғанда, ол латеральды және төмен жылжиды, ол қолға ұршық тәріздес, ені 2-4-см-дей жылжымалы дене болып білінеді. Перкуссия іште сұйықтықтың жиналуынан (тұйық дыбыс), кебуін (тимпаникалық дыбыс) айыруға мүмкіндік береді. Сонымен қатар, зерттелген мүшелердің пальпациялық мәліметтерін толықтырады (қарынның төменгі шегін анықтау). 238 Аускультация науқастың ішегі түйілгендігін анықтау үшін қолданылады. Аускультация әдісімен қарынның көлемі және оның орналасқан орны анықталады. Бұл жағдайда фонендоскопты төс шеміршегі мен кіндік аралығына (эпигастральдық аймаққа) қояды. Екінші қолымен фонендоскоп маңынан бастап сипалай отырып, шетке қарай жылжып дыбыстың анық естілетін аймағын анықтайды. Бұл аймақ қарынның шекарасына сәйкес келеді. Қарынды зерттеудің шайқалу шуы деп аталатын тәсілінің диагностикалық маңызы зор. Ол қарын шайқалған кезде ауа және сұйық заттардың өзіне тән шуыл шығаруына байланысты. Бұл әдіс гастроптозды (қарынның төмен түсуі) анықтауға маңызды роль атқарады. жүктеу/скачать 16,27 Mb. Достарыңызбен бөлісу:
|