396
Бұған себеп қойма қабырғаларының біркелкі қызбауы немесе
салқындамауы жəне дымқылданбауы. Осы қабаттағы астықтың
физиологиялық екпінділігі үйіндінің қабырғаға жақын тік
қабатындағы дəндердің температурасының өзгеруіне байланысты
күшейеді. Тік қабатты қызуға астықтың өздігінен сұрыпталуы да
себеп, соның нəтижесінде элеватор қабырғасы бойына шөп-
шалаң, шаң, көптеген арамшөптер тұқымдары жəне басқа да
физиологиялық екпінділігі жоғары бөліктер шоғырланады.
Жаппай қызу. Бұл сақталып жатқан бүкіл астықтың
температурасы көтерілді деген сөз. Бұған қызудың өзге түрлері
себеп жəне ол ылғалдылығы жоғары, қоспалармен пісіп
жетілмеген дəндер мен көп араласқан астықты сақтау кезінде
пайда болады. Мұндай астық қоры сақтауға шыдамайды, өйткені
екпінді физиологиялық үдерістер жүреді де, дəндер қысқа уақыт
ішінде қызуға ұшырайды. Мұндай жағдайда дəндерді сақтап
қалудың шұғыл шаралары қарастырылуы тиіс.
Достарыңызбен бөлісу: 
