Кнмдеди,  недеди  терслик,  къыйынлыкъ?!

^ъарангыда да барды:  къыр;  къар;  акъ.

7

дкъда,  къарада да - бютеу дунияда да:

Къыр.  Къар.  Акъ.

АЛЛАХ. МУХАММАД.  БИЛАЛ.

Джашайла дунияда къабланла,  къоянла да;

Джашайла дунияда къушла, джыланла да;

Джашайла дунияда Адамла, адамла да.

Не этериксе - алайды джашау.

Алай къуралгъанды джашау.

Анда да болур бир магьана.

Кёбдю дунияда джарыкъ, къарангы да.

Джетишеди дунияда къууанч, бушуу да.

Джетишер къатдыла Джер да,  Кёк да, Джюрек  да.

Алайды джашау

Алай къуралгъанды джашау.

Анда да болур бир магьана.

Сууабны-гюнахны, терсни-тюзню,  кергини-ётюрюкню, 

Игини-аманны, халалны-харамны, дунияны-ахратны, 

Джашауну-ёлюмню-тирилиуню ангылатхан 

Аллахны бизлеге Сёзю барды -  

Къуран.

Аламланы, инсанланы - барыбызны да 

Джаратхан барды, бирди:  Аллах.

Мухаммад гъалейхи-с-салам да - 

Аны къулу эмда келечиси.

Биринчи азанчыды Билал да.

Аны атын, иннетин джюрютеме мен да.

ДЖАЗГЬЫ ДЖАБАЛАКЪ

Заманы джетеди басханы-кюрекни 

Джаз келеди.  Эрийле къарла.

4

 

1

Джанкъозбут къызла къозгьай джюрекни,

Кёк джашнагьанча, тууалла джырла

Малла кюнбетге къараб ёюорелле,

Кёб турмай гяхиник урлукъду джерге.

Улакъла ташдан-ташха секирелле,

Эчки ызындан  илинелле ёрге.

Аджир кишнейди  Гюрюлдейди бугьа,

Башын, бойнун ышый, джаргамлагьа.

Гугурук да,  буруудан къычырады созуб,

Тауукъла къаты бла кетмезча озуб.

Алагьа эришгенча, ит да арбазда 

Кесин сынджыргъа уруб, чабады.

Кёб къыйынлыкъ кёрген Кавказда 

Джазгъы джабалакъ джауады

БИЗЛЕДЕ АДЕТ

«Къатынынг кимди?»- демейле бизде,

«Къанатынг кимди?»- деб, къоюучанла.

Келин деб,  юйдеги деб, не да,

Юй бийче деб, айтыучанла.

ШИЙИРНИ ДЖЮРЕКДЕН КЕЛГЕНИЧА КЪОЯМА

Кече сайын кёреме мен ол джулдузну,

Меннге андан сора джукъ да керек тюлдю.

Учмасын, кюймесин, палах джетмесин - 

Джашаб турсун кёз къыса, джарыкьлай.

Хар ариулукь меники болуб бармаз.

Ариулукь - Аллахданды, Аныкъыды.

Мен Анга къуллукь этеме джангыз 

Джашайма - Кёк, Джер да къучагьымда.

4 2

р илеме 

Джерге тюшмезин джулдузну,

Ол Кёкге тыйыншлыды.  Турсун анда.

Мени  Кёкге тартханы,  кьаратханы  ючюн да, 

джарыгьын ба эте, джыр-алгьыш этеме анга.

УЯЛМАГЪАН БУЮРУЛМАГЪАННЫ...

Ол ариу къыз кюннге къызад,

Сойланыб ташха.

Таш эриб кетиб баргъанча,

Кёрюнед джашха.

«Ол таш мен болсам эди»,- 

Дейди зауаллы.

«Кюн болсамед»-, дейди,

Башха,  мазаллы.

Была таукел болгъунчу,

Олтура, тура,

Алды да кетди къызны 

Бир къарадура - 

Уялмагъан буюрулмагъанны 

Ашады дегенча.

Ангылашынмагъан ишле 

Боладыла ненча.

- ДЖАШАУ БОШАЛГЪАНМЫД? - ОГЪАЙ.

Бу темир джюрек ашалгьанды,

Сюймеклик боран шаушалгьанды,

Эм сейир чакъ бошалгъанды 

Энди не татыу джашаудан?

Джашнамаса не кёк, не джюрек,

Акъ чакъмаса арбазда терек,

Толмаса алгъыш не тилек 

Сора не хайыр джашаудан?

4 3

Алай а, кеси  кесими аддайма:

Умут джилтини джылтырайды,

Джулдуз, кёз къыса,  къалтырайды,- 

Дуния аламатды  алгьынча.

От тилине ушаем алгьын,

Отну «сьызыууна ушайма энди.

Алкъын джашау къызгьанмайд агъын - 

Къыза,  къызына джашайма, эфендим.

Къыз джууукъ болгъанлай джанарыкъды от.

Аны башдан аякъ джаларыкъды ол.

Не кетерикбиз кюл болуб, юойюб,

Не джашарыкъбыз бир-бирни сюйюб

- Джюрек ашалгъанмыды? - Хау.

- Боран шаушалгъанмыды? - Хау.

- Джашау бошалгьанмыд?  - Огъай.

Мен Сеннге къараб, айтама былай.

СЕН САУЛУКЪДА  МАНГА ЁЛЮМ ДЖОКЪДУ

Сен барса дунияда - кёлюм токъду,

Сен сау болуб,  манга ёлюм джокъду.

Сеннге,  Сен болгъан дуниягъа этеме алгъыш 

Эсимдесе,  не бек кючлесе да сагьыш.

Не бек джарашады нарат терек ташха.

Не тюрлю оюмла келелле башха.

Не бек джарашады джарыкъ джулдуз кёкге.

Алай джарашаса Сен да джюрекге.

Сен барса дунияда - кёлюм токъду.

Сау-эсен бол, сау-эсен джаша,

Андан башха мен айтырыкъ джокъду.

Джазыуларыбыз бизни башха.

Аллахны оноуун тюрлендирмез джукь да.

4 4

{-}асыб  бла,  къууанч  бла сау-эсен джаша!

Сен саулукъда манга ёлюм джокъду.

дЛАМЛАНЫ ТЕБДИРЕДИ ДЖЮРЕК

Джулдузгъа тыйыншлыды  Кёк,

Кёкге тыйыншлыды джулдуз.

Аны ангылайды джюрек.

Ангыламагьаным ма буду джангыз:

Сеннге, базыб, къарайма къалай?

Кёкдедиле джулдузла, Ай,

Сен а - Джердесе.  Ма олду сейир.

Анга джууаб бералмаз шийир.

Мен джаратылгъанма топракъдан, джерден. 

Сен эсенг - кёкден, джарыкъдан,

нюрден.

Аны  шайырла айталла бирден.

Алай а, Сени башхагьа бермем.

Джулдуз джарыгьычады  кюймеклигим да. 

Мени Сеннге тенг этген - Сюймеклигимди.

.. Къадер кечени кёрдюм Сеннге къарадым да. 

Барды мени атым, къанатым да;

Барды мени дуниям, ахратым да - 

Сюйгеним барды  мени,

Сюймеклигим барды мени.

Аламланы тебдиреди джюрек.

Кёкден Джерге тюшгенди мёлек.

Джюрекге тюшгенди мёлек.

Къошулгъанла Джер бла Кёк.

НАЗМУ ТЕРЕК

Неди бу - кёкенмиди, терекмиди?

Бу Аллахха не Адамгьа керекмиди?

4 5

Мен ёсдюрген,  айт,  кишиге керекмиди?

Ой аланла, бу сизге керекмиди?

Тамырлары джайылалла,  кирелле джерге, 

Бутакълары,  къанатлача, тарталла ёрге.

Бутакълана, къанатлана, учуна,

Кёкге учуб кетерча да кёрюнеди;

Тамырлана, тыбырлана, ауурлана,

Джерден тебмей къалырча да кёрюнеди.

Бу Кёкден тюшюб,

Джерге кирибми барады?

Бу Джерден чыгъыб,

Кёкге кетибми барады?

Огьесе, Кёк бла Джерни 

Байлабмы турады?

Ата бла Ананы  къолларындан тутуб,

Байлаб тургъанча сабий...

Бу мен ёсдюрген  - кёкенмиди, Терекмиди?

Бу Кёкге не да Джерге керекмиди?

Кёкдегилеге, джердегилеге керекмиди?

Бу мени къоймагьан акъылмыды, джюрекмиди?

Эй аланла, сизге Тил, Ана Тил керекмиди?

Ата Джурт, адет-намыс керекмиди?

Сиз Халкь болуб,

Талкъ болмай джашаргъа излеймисиз?

Уллу Аллахдан ол затны тилеймисиз?

Ким ючюн, не ючюн ёсдюреме терекни 

Къаргъагъа-къузгъуннга аш боллукъ эсе  кёгети. 

Аны  шууулдагъанына джокъ эсе тынгыларыкъ, 

Аны  къоркъууун, тилин джокъ эсе  ангыларыкъ, 

Аны аманат этерге да табылмай эсе адам,

Аны андан да аламат этерге джокъ эсе амал,

4 6

Co

 pa,

дллахха, адамгьа, хоншугьа,  къралгьа да 

Салмайыкъ 

дау -

Динибизге,  Тилибизге,  Джуртубузгьа,  Халкъыбызгъа

Кесибизге 

Кесибизбиз джау.

Къыйынлыкъ  кесибиздеди.

Тилсиз 

Халкъ 

тюб болгьаны  - 

Эсибиздеди.

Алай а,

Тюшюнмейбиз, тюшюнелмейбиз.

Къазакъ терек къарайды чегетге 

Чегет башха тилде шууулдайды.

Чыпчыкъ да башха тилде джюуюлдейди.

Тынгылагъан, ангылагьан да джокъ терекни.

Терекни  къуу боллугъу анданды.

Джюрекни да джарыллыгьы анданды.

СЮЙГЕНЛЕЙ КЪАЛАМА СЕНИ

Мен сени асры сюйгенден,

Артда сенден, не да кесимден 

Кёлюм чыгъар деб, асры къоркъгъандан,

Сеннге узакъдан, тёбенден,

Кёкде джулдузгъача къараб,

Джууукълашмай къалыргъа болгъанма разы.

Мен Аллахха этеме шукур

Бизни бир этмей къойгъаны  ючюн да.

Ансы,

Сен мени юй бийчем болгъандан сора да,

Дуния сеннге былай къараргьа къалса,

Мен акъылдан  шашаргьа боллугъем...

4 7

Ким биледи,

Сени алмай къойгьандан эсе,

Алыб кюйген иги эсе да...

Этмей сокъураннгандан 

Этиб сокъураннган иги эсе да,

Ким биледи.

Алай болса да, къаласа сен 

Кёзюмде,  кёлюмде, эсимде 

Табигъатны эмда Тиширыу дунияны 

Эм уллу ариулугъуча, сейирлигича.

Да сакълан мен  кёргенча алай. 

Кукалан, «сьошакълан, джанкъозлан, 

Сабийлен, балийлен, джазгъылан. 

Чакъ, джашна,

сау-эсен джаша - 

Башха тилегим джокъду.

Башха джюрегим да джокъду - 

Сюйгенлей къалама Сени.

2000-чи ДЖЫЛ ЯНВАРНЫ 31

«Эрге чыгъама»,- деди,

Тёрге ётеме дегенча.

Сёзюн къубултду, къатлады,

Айтды  къайтарыб бир ненча.

«Эрге чыгъама»,- деди,

Кёкге чыгъама дегенча.

Мен а сын болуб къалдым,

Бу къара  джерге киргенча.

Кьыйынлы  джюрекни урууу - 

Къазакъ бёрюню улууу,

Учхан джулдузну джарыгъы, 

Къуругъан кёлню балыгъы.

4 8

Тохтаб къалгьанча заман да, 

Чачылгьан 

кибик Алам да,

Знд кимге бергин салам да,

Къалмады джашау,  Адам да.

«Эрге барама»,- деди,

Ерге барама дегенча,

Тамам къанатла битгенча,

У чуб барама дегенча.

Кючден-бутдан:

»Кимге?»-деб, сордум.

«Сеннге»,- деб, джууаб берди, 

«Теличик, Сеннге»,- деб, кюлдю.

. Ахратдан къайытханча болдум,

Ёлюб тирилгенча болдум.

Къууаныр къарыуум да джокъ.

Кетиб къалдым айталмайын джукъ.

ДЖАНГЫЗ КЕСИМЕД ДЕРТИМ

Учханым ючюн джертин,

Джангыз кесимед дертим.

Къуру Халкъым ючюннге,

Къуру Джуртум ючюннге,

Битселе да къанатла 

Киши айыб этмезед.

Къуру Сени кючюнгден,

Къуру Сени ючюннге,

Битселе да къанатла 

Бир джан айыб этмезед.

Учханым ючюн джертин,

Джангыз кесимед дертим.

4 9

АДАМ УЛУ ДЖЫЯР ЭС

Кёкню джети  къатына 

У чар кибик къанатджокъ. 

Гюнах, терслик кимдеди?!

Бир кишиге айтмам джукъ.

Кёк кесине тартады,

Джер тартады  кесине.

Хар бир адам эркинди 

Джол сайларгьа кесине.

Аллай уллу эркинлик 

Берилгенди инсаннга. 

Мёлекледен баш болуб, 

Къошулгьанбыз биз саннга.

Атламаз ючюн а терс,

Берилгенди ангы, эс.

Берилгенди Китаб, дере.

Адам улу джыяр эс.

КЪАРАТОН СЮЙМЕКЛИК

Кёз джаууму тауусдум 

Сеннге къарай, къарай.

Тил джаууму тауусдум 

Сени махтай, махтай.

Кёк джашнады,  чартлады - 

Джангур а энмеди.

Джарлы терек чакъды,  акъды - 

Кёгет а битмеди.

Шайырдан шийир къалмаса,

Не назмучуду ол?

5 0

Сюймекликден сабий  къалмаса, 

у{е сюймекликди ол?

ХАКЪ КЕРТИСИ

1

Быллай деу Халкъы болуб,

Хакьсыз, атсыз тургьан,

Быллай мийик Джурту болуб, 

Къанатсыз тургьан,

Быллай Ана тили болуб,

Учмай, учунмай тургьан,

Быллай ислам дини болуб, 

Дуниясыз-ахратсыз къалгьан, 

Кимсе, несе сен?!

2

Хакъ  кертиси:

Бу Халкъны уланы болгьан,

Бу Джуртну уланы болгьан, 

Джюрегинде ийманы болгьан, 

Къанатсыз болургъа джокъду мадар. 

Аны бизге кечмезликди къадар

3

Быллай дини болуб,

Быллай тили болуб,

Быллай Халкъы болуб,

Быллай Джурту болуб,

Аллахха шукур этмеген,

Аллахха къуллукь этмеген 

Сакъланырмы?!

ФАХМУ БЛА НАЗМУ

1

Эй берилмеген  фахму,

Хей джазылмагъан назму,

Ай медет Аллах!

2

Берилмегенлей фахму 

Джазаргьа кюрешди  назму.

Ой насыбсыз.

3

Берилгенликге фахму 

Джазылмай къалды  назму. 

Джетмеди не?

Усталыкъмы, тырмашыуму,

Ётмю, бетми,  заманмы?

ИЙМАН БЛА ДЖАША, ЁЛ

1

Ташанг, турунг,  ишинг бла, 

Иннетинг бла, сёзюнг бла, 

Тёнгегинг бла, кёзюнг бла, - 

Ненг бла этсенг да гюнах,

Аз-кёб этсенг да гюнах,

Барын биледи Аллах,

Барын кёреди Аллах,

Ахыр тёреди Аллах.

Аллахха сен салма дау,

Адамгъа да болма джау.

«Насыбха джол кеснлгенд...» 

Терслик кимдед? - кесингдед.

Окъудунгму Къуранны? 

Англадынгмы сен аны?

Сен таубагьа къайтдынгмы,

Я Раббий деб, айтдынгмы?

Минг дыгалас,  минг сылтау... 

Къой, тюлсе сокъур, сангырау, 

Къолунг-аягъынг да сау. 

Джаратханнга сал махтау.

52

Санга дунияны берди, 

уан джашаудан деди, 

^ Ъуран-Керимин ийди, 

Херсеймезинги сюйдю.

«Бу гюнахды, харамды,

Быладан 

тыйыл»,- 

деди.

«Бу сууабды, халалды,

Былагьа сыйын»,- деди.

Неле этдинг сен а, сен?!

Нюр джарыкъдан  къачдынг сен, 

Къарангыны  сайладынг, 

Къараланы  сыйладынг.

Тюлсе сен шашханладан,

Не да аджашханладан - 

Кере, биле поз джолну, 

Сайлагъанса терс джолну.

Аллах кёргюзтдю джолну - 

Сен аны унамадынг. 

Къутхарыргьа изледи  - 

Сёзюне тынгыламадынг.

Алай эсе, айт энди:

Не излейсе адамдан?

Не сакълайса Аллахдан?

Ким къутхарыр палахдан?!

2

Аллахха да салма дау,

Адамны да кёрме джау.

Хар нени кёр кесингден.

Хакъ кетмесин эсингден.

53

Этгенинг ючюн гюнах,

Джетед къыйынлыкъ,  палах.

Ийманынг толу болса,

Джолунг - Хакъ джолу болса,

Хар не да табар орнун,

Хорламлы болур джолунг.

Анаясанг - Къуранды 

Анга кёре къурауду 

Бу дунияда джашауну,

Думп эт,  юьурут кёзбауну.

Аллах десин джюрек, кёл.

Ийман бла джаша, ёл.

Олду эм уллу насыб,

Олду эм уллу къууанч.

Сенден юлгю алыр эл.

Ийман бла джаша, ёл.

САУ БОЛСА КЪАРАЧАЙ

Мен да ёллюкме,  кетерикме. Алай,

Сау болса, джашаса Къарачай,

Нюр джаннганлай турлукъду кёрюм. 

Меннге къатылаллыкъ тюлдю ёлюм.

Халкъым сау болса, Джуртунда джашаса, 

Энчи къраллыгьы бегиб бошаса,

Динине, тилнне болмаса къоркъуу,

Тёрге ётселе бнлнм бла окъуу,

Сора рахат боллукъду джаным:

Манга ёлюм джокъ сау болса Халкъым, 

Алай а, Халкъым болгьунчу эркин 

Джихад боллукъду манга хар бир кюн. 

Назмум-шийирим турлукъду ёрге, 

Урушха барлыкъды аскерле бла бирге.

5 4

цыгъарлыкъды бетин  къылычны,  къаманы, 

( Зкт>ларыкъды  сыйын тюймени,  кямарны. 

Ц]ийири сермешеди, кетсе да шайыр, 

Хуугъан джеринде ол артыюь да къайыр.

Мураты на джетгинчи Миллет,

Аны джукьугьа хорлатмаз иннет.

Инннет а -

Аллахды, Къарачайды,

Иман джюрекде,  сёзде да джашайды.

Къарачай саулукъда манга джокъду ёлюм. 

Аны  ючюннге джарыкъды  кёлюм.

БЕЛЫЙ СНЕГ.  ЗЕЛЕНАЯ ТРАВА.

1

Последний снег 

И первая трава.

Остальное - 

Слова и суета.

Первый снег 

И осенняя трава.

Все кончено.

Быть может, ты права.

Но помолчим.

Есть Слово и слова.

Белый снег.

Зеленая трава.

Есть Книга Смыслов 

И в Книге той - Слова:

Белый Снег,

Зеленая трава.

5 5

Я вижу твой голос 

И слышу твои  глаза.

Я - в твоем осеннем небе - 

Весенняя гроза.

Я слышу:  идет снег.

Я вижу растет трава.

И Новый год, и Новый век,

Но как болит душа.

Я говорю:  здравствуй снег.

А ты:

Да здравствует трава.

Всему свое время и вот весна 

Вступает в свои права.

Белый снег.  Зеленая трава.

Идущий снег.  Растущая трава.

Вечный снег и Вечная трава.

САГЪЫШЛА КЪУРШОУУНДА

Аллахданды  Аллаххады джол.

Ийманы болгьаннга белгилиди ол. 

Кёклени, Джерни да джаратды Аллах. 

Кёкдегин, джердегин да джаратды Аллах.

Адам улуну аджашмазын сюйдю - 

Файгьамбарларындан бизге Сёзюн ийди: 

Халалны-харамны,  игини-аманны, 

Тюзню-терсни айырырча этди адамны.

Сууаб-гюнах не болгьанын билдирди, 

Соруу-сууал боллугъун да билдирди  - 

Ёлюу-тирилиу, дуния-ахырат - 

Алдады джашау, сынау, къыямат.

2

56

д*<аннетге элтирик джолну да кёргюзтдю, 

д^аханимге элтирик джолну да кёргюзтдю.

Сора барын билдиргени себебли, 

ризге 

ангы, эс бергени себебли,

Бизни 

бек сыйлы  кёргени себебли 

Сайлауну кьойду Кеси  бизге - 

Кесибизге. 

Кесибизни 

Джууаблы этди тюзге-терсге.

Эки 

дуниядан да юлюшлю болур ючюн 

Не этерге кереклисин айтды Къуранда.

Къуру анда айтылгъанны этсек,

Аны  кесибизге Анаяса этсек,

Джашау джорукь этсек,

Сууабларыбыз дженгнгенлей турур базманда.

Алай а, Аллаху тагъала не этсин,

Аны Сёзюн - Къуранны - сыйламасакъ, 

Айтхан джолунда барыргъа унамасакъ, 

Меджисуу затлагьа табынсакъ, баш урсакъ, 

Джаратханнга къуллукъ этмейин турсакъ.

Аны Сёзюн, Кесин да хыликке этсек, 

Иймандан, адамлыкъдан чыгъыб кетсек,

Не этсин Аллаху тагъала бизге?!

Игиликни ангыларгъа унамагьанны, 

Къыйынлыкъ тюшюндюреди джангыз. 

Джашауда тюзелирге унамагьанны 

Ёлюм тюзетеди джангыз.

Аллах кечиучюдю. Не терсейгеннге да 

Тюзелирге заман да,  мадар да береди.

Ёзге аны бла да хайырланмагъаннга 

Ачы кюн,  къара кюн келеди.

Бу дунияда къалай джашаргъа кереклисин 

Юретген Китаб бола тургъанлай,

5 7

Терсейгенлеге,

Терсейгенден  сора да тауба этмегенлеге, 

Тюшюнмегенлеге, тюзелмегенлеге,

Аллахны  эскермегенлеге 

Не этсин  Аллаху тагьала?!

Аллах бизге нени да марда бла бергенди:

Биз  кёллоралыр  чакълы  бнр бергенди 

Къууанчны,  бушууну да.

Биз аны  ангыларгъа керекбиз.

Джашау джюгюн элтирге  керекбиз

Инсанлыкъ,  муслиманлыкъ борчубузну да тындыра.

Толу болургьа керекди  иман.

Юлгю  болургьа керекди  имам.

Алдады  ёлюу,  тирилиу да.

Уллу соруу-сууал да  алдады.

Алдады  Джашау!

СЕЙИР НАЗМУ

1

Ариу тиширыудан  ариу 

Не барды дунияда?!

Джети  къат кёл да джарыйды,

Джети  къат кёк да джарыйды,

Джети эл да сени таныйды,

Кел,  уяла.

Сени сыфатынг бла,

Сени атынг бла - 

Ёлсем, тирилсем да;

Джаннетге,  джаханимге  кирсем да.

Сенсиз джаннет да - джаханимди.

Сюймекликсиз  - адам  кимди?!  -

5 8

yje

  толу  эсе  да,  кемди,

К^анатсыз джанлагьа тенгди.

Биринчи  Адам,  экинчи Хауа 

д^аратылгьанына ийнанмайма мен. 

адам  Адам  болаллыкъмеди 

Хауаны  кёрюб  учунмаса?!

Къатланды сезим.

Къанатланды  сёзюм.

Кёк  юокюреди,  джашнады,

Джангур дадж ауа  башлады.

Кьар джерге да гяхиник  урду.

Къарт аджир да тынгысыз болду.

Къара джерге да урду  гяхиник.

Къара аджирге да келди сюймеклик.

Джер  кеси да турду  аджирге - 

Кёк,  кишнеб,  къабланды  джерге. 

Джашнайдыла Кёк,  Джер да бирге, 

Джашайдыла Кёк,  Джер да бирге.

Сюймеклик чыгъарады  Кёкге, 

Сюймеклик  къайтарады  Джерге, 

Танытады  Джерни да,  Кёкню да, 

Эслетеди джулдузну,  чёбню да.

Башха дуниялада сорсала  меннге:

«Не эди Джерде эм сейир, тамаша?»- деб, 

«Тиширыу»,- деб,  берликме джууаб. 

Артха къайтарсала уа,

«Бар, энтда джаша»,- деб,

Сайлау берселе уа,

«Не джаннетде,  не Джерде джаша» 

деб,

Джаннетлени, хур  къызланы  да къоюб, 

Джерни, джер тиширыуну сайларыкъма.

5 9

Аллай сайлау, аллай  мадар болса,

Джашаууму  ала бла байларьпсьма.

2

Мен  кёб узакъ, тыш джерни  кёргенме

Бир башха дуниялагьа,  джаннетлеге  ушагьан.

Алай  а,

«Бары да  Къарачайгьа къор  болсунла» дегенме: 

Насыб - Джурту болуб, Джуртунда джашагъан, 

жүктеу/скачать 10,08 Mb.

Достарыңызбен бөлісу: