Білім беру бағдарламаларын әзірлеу: жоғары білім берудің жаһандық мәселелеріне жауаптар. Монография / Аида Сағынтаева, Айжан Мусина, Алия Сулейменова, Рус- лан Қаратабанов, Қайрат Құракбаев, Дункан Пристли, – Нұр-Сұлтан
жүктеу/скачать 4,81 Mb. Pdf көрінісі
|
| Онлайн және аралас оқыту
Онлайн оқыту мен аралас оқытуға арналған курстардың әзір- ленуінде көптеген ортақ құрылымдық ерекшеліктер болғанымен, онлайн режимде оқыту тәжірибесі күндізгі оқыту тәжірибесі- нен өзгеше екендігі жалпыға белгілі. Онлайн оқыту оқытушыдан әртүрлі дағдыларды меңгеруді талап етеді. Алайда оқытушылар- дың көпшілігі өздерінің дағдыларын тез бейімдеуге ғана икемді емес, сонымен қатар өздерінде бар көптеген материалдар мен ре- сурстарды да онлайн оқу ортасына жылдам сәйкестендіре алады. Басты мәселе студенттердің ынтасы мен қызығушылығына қолдау көрсету болып табылады. Студенттердің қызығушылығын арттыру үшін оқытушылар икемдей алатын бірқатар тәсілдер бар: • курс барысында студенттермен жасалатын өзара іс-әрекетті түсіндіру және білім алушылардың өзара іс-әрекетіне қойы- латын талаптарды түсіндіру (ақпараттық технологияларға қойылатын функционалдық талаптарды қоса алғанда); • студенттерге қатаң мерзімдер мен жұмыс уақытын пайда- лана отырып, ғаламторда жұмыс істеу барысында өзіндік тәртіп орнатудың және өзін-өзі ретке келтірудің басқа түр- лерін дамытуға көмектесу; • студенттердің бірде-бір тобы, тіпті шағын топ болса да, қо- лайсыз жағдайға тап болмас үшін, оқытудың қолжетімділігі мен инклюзивтілігін қамтамасыз ету үшін барлық мүмкін- діктерді пайдалану. Бұл аспектілер мыналарды қамтиды: 1)әртүрлі білім алушылардың қажеттіліктеріне жауап бе- ретін форматта мультимедиялық контентке қол жеткізу- дің балама құралдарын ұсыну; 2) күрделі әрекеттерді азай- та және мүмкіндігінше сенімді, қарапайым нұсқаларды таңдай отырып, ақпараттық технологияларды қолданудың қарапайымдылығын есепке алу; 3)барлық студенттер үшін материалдың ыңғайлы оқылуын қамтамасыз ету; • дидактикалық, дәріс оқу тәсілдерінен фасилитациялық (мүмкіндік беретін) тәсілге көшу, онда оқытушы білім бе- рудің скаффолдингін қамтамасыз етеді (ECTS академиялық несиелер жүйесінде несие тікелей оқытушылық қызметтің сағаттарына емес, студенттердің оқуға жұмсайтын сағатта- рының саны негізінде беріледі); Білім беру бағдарламаларын әзірлеу: жоғары білім берудің жаһандық мәселелеріне жауаптар 160 • селқостық танытатын оқытуға емес, белсенді оқытуға және студенттердің іс-әрекетіне назар аудару. Бірлесіп оқыту, із- деніс-зерттеу жұмыстары негізінде оқыту, шынайы кәсіби ортада оқыту, эмпирикалық оқыту сияқты белсенді оқыту тәсілдері білім алушылардың оқыту үдерісіне неғұрлым то- лықтай енуіне септігін тигізеді; • «Төңкерілген оқыту» технологиясын қолдану, онда студент- тер онлайн-сессия алдында берілген материалды оқиды, ал сессияның өзі материалды және студенттердің қойған сұрақтарын талқылауға арналады; • студенттерге берілетін курс мазмұнын шағын «тез игерілетін» бөліктерге бөлу арқылы оқу үдерісінің тиімділі- гін арттыру (мысалы қысқа бейнеролик немесе аудиома- териалдар, әр фрагменттің соңында негізгі ойларды қоры- тындылау және бөліп беру); • онлайн-оқытуда көзбе-көз «тірі» қарым-қатынас жетіспей- ді. Оқу мазмұнын интерактивті ете отырып, сіз студент- теріңізге курсыңыздан көбірек пайда алуға және олардың қызығушылығын айтарлықтай арттыруға көмектесесіз; • студенттер үшін қауымдастық құру. Мысалы әлеуметтік желілерде форумдар, блогтар немесе топ ұйымдастыру. Студенттердің өзара бірлесіп жұмыс істеуіне ықпал ету (фа- силитация) олардың курсқа қызығушылық танытуын және табысты болуын едәуір арттырады. Студенттердің постта- рына жауап беру, сұрақ қою, студенттерді өз курстастарын толғандыратын сұрақтарды қоюға шақыру, электрондық поштасына жаңалықтарды, сілтемелер немесе хабарланды- руларды жіберіп отыру арқылы өзіңізге курстың белсенді қатысушысы болуды қамтамасыз етіңіз; • студенттердің сабаққа қатысуы және сабақ кезінде не тиімді екенін анықтау үшін онлайн-сабақтарда орын алған жағдайларға бағалау жүргізу. Бұл онлайн ортада пайдала- нылатын құралдарды және олардың студенттердің сабаққа қатысуы мен оқуына әсерін сыни бағалауды қамтиды; • орындалған тапсырмалар бойынша уақтылы формативті және жиынтық кері байланыс беру студенттерге кері бай- ланысты келесі тапсырмаларды жақсарту үшін пайдала- Назарбаев Университетінің Жоғары білім беру мектебі 161 нуға мүмкіндік береді. Үлкен сыныптарда кері байланысты қамтамасыз ету қиын. • орындалған тапсырмалар бойынша уақтылы қалыптасты- рушы және жиынтық кері байланыс беру студенттерге ке- лесі тапсырмаларды жақсы орындау үшін кері байланысты пайдалануға мүмкіндік береді. Үлкен аудиторияларда кері байланысты қамтамасыз ету қиын, бірақ жүзеге асыруға болады. Жақсы ойластырылған айдарлар студенттердің жұ- мысын бағыттап отыруға көмектеседі және оқытушыларға айдарға тікелей байланысты пікірлер жазуға жәрдем береді. Жоғары білім беру бойынша онлайн оқыту және аралас оқы- тудың «Quality Matters» 116 сапа стандарттарымен студенттерге курс туралы ақпарат берген кезде мына тармақтарға ерекше назар ау- дарылады: • курсты қайдан және неден бастау керектігі туралы, курс ту- ралы жазылған пікірлерді қайдан табуға болатындығы ту- ралы нақты нұсқаулар; • білім алушыларды курстың мақсатымен, құрылымымен та- ныстыру; • онлайн-пікірталасқа қатысу туралы болжалдың нақты си- паттамасы. Электрондық поштаны және өзара әрекеттесу- дің басқа нысандарын нақты көрсету; • сақталуы қажет курс саясаты мен осы білім беру мекемесін сипаттайтын кодекстің ғаламтор-сілтемесіне нақты сипат- тама жасау және ұсыну; • курста оқу үшін ең төменгі технологиялық талаптарды көр- сету және осы технологияларды қалай сатып алуға бола- тындығы туралы ақпарат беру; • компьютермен жұмыс істеу дағдыларын және білім алушы- дан күтілетін цифрлық сауаттылыққа қатысты дағдыларды көрсету; • оқу пәнінің алғы деректемелері туралы болжалдарды көрсету; • оқытушының өзін-өзі кәсіби тұрғыдан таныстыруы ту- ралы ақпараттың онлайн режимде қолжетімді болуын қамтамасыз ету. 116 https://www.qualitymatters.org/sites/default/files/PDFs/StandardsfromtheQMHigherEducationRubric.pdf Білім беру бағдарламаларын әзірлеу: жоғары білім берудің жаһандық мәселелеріне жауаптар 162 жүктеу/скачать 4,81 Mb. Достарыңызбен бөлісу:
|