Мақсаттарды анықтау, мазмұнды сұрыптау, оқу үдерісін ұйымдастыру
және оқу нәтижелерін бағалаудың жалпы қағидаттар жиынтығы. Мұндай қағидаттарға келесі тұжырымдар жатады(О.Е.Лебедев, 2004): -Оқу үдерісін ұйымдастыру мәні білім беру мазмұнын құрайтын оқушылардың танымдық, коммуникативтік, ұйымдастырушылық ,адамгершілік және тағы басқа мәселелерді дербес түрде шешу тәжірибесін қалыптастыруда жатыр.
-Оқу нәтижелерін бағалау білім алудың белгілі сатысында оқушылардың қолжеткізген білімдерінің деңгейлерін талдауға негізделеді. Біліктілікке негізделген тәсілдеме оқушылардың білім мен дағдыларды бір-бірінен бөлек үйренуден гөрі оларды кешенді түрде меңгеруді
ұсынады(А.В.Хуторской,2002).
Кері дизайн
Педагогикалық жобалаудың арнайы технологиясының негізгі критерийі контент емес, жоспарланатын нәтижелер болып табылады(С.Б.Велединская, М.Ю.Дорофеева, 2014).
Оқу үдерісін жобалаудың үш кезеңі ұйғарылады (Г.Уиггинс,Дж.МакТай,1998):
кезең–Мақсаттар мен қалаулы нәтижелерді анықтау, яғни
«Оқушылар нені білуі,түсінуі және істеуі тиіс?»деген сұраққа жауап;
кезең–Қолайлы дәлелдерді анықтау, яғни «Оқушылардың қалаулы нәтижелерге жетуі мен олардың стандарттарға сай болуына не дәлел болады?» деген сұраққа жауап;
кезең –Оқуды және оқушылардың нәтижелерге жету үдерісін жоспарлау.
Мұғалімге толық оқу-әдістемелік кешенді алдын ала ұсыну (оқу бағдарламалары, оқу жоспарлары, формативті бағалауға арналған тапсырмалар үлгілері бар жинақтар, мұғалім үшін жиынтық бағалау бойынша әдістемелік ұсынымдар және т.б.) білім беру процесін кері дизайнда жобалауға ықпал етеді:оқу бағдарламасы–бағалау процесі–оқыту процесі.Бұл оқу процесін оқыту мақсаттарына қолжеткізуге, ал бағалау–оқу қорытындысы бойынша күтілетін нәтижелерге сәйкестік дәрежесін белгілеуге мүмкіндік береді.
