Дандай ысқАҚҰлы рухани толғамдар алматы «ДӘСТҮР» 2015
жүктеу/скачать 3,03 Mb. Pdf көрінісі
|
|
(«Ел боламыз десек...»,2000, 177-бет) – деп, ағынан жарылады. Бұл жерде жеке басының мүддесі туған халқының қуанышы мен қасіретіне ортақ болып кеткен үлкен жүректі азаматтың нар тұлғасы анық көрінеді. Р. Бердібайдың «Жүрек тоқтамайынша, тіл үшін күрес тоқтамайды. Осы сөз – өмірімнің ұстанымы» – деген сөздері оның бүкіл саналы ғұмырының, өмірлік мақсатының негізгі лейтмотивіне айналған. Рахманқұлдың еңбектерінде қазақ тілі мен әдебиетінің ғана емес, ұлттың рухани өмірінің сан қырларына ойлы көзбен қараған парасат- ты пікірлер баршылық. Ғалымды қазақтың ертеңгі болашағы көп тол- ғандырады. Ол «қазақтың өз бірлігі, түркі бірлігі, ислам бірлігі – осы
185 үшеуі біздің ел болуымыздың шарты» («Ел боламыз десек...»,2000, 113- бет) – деп біледі. Осындағы қазақтың өз бірлігі негізінен қазақ тілі арқылы сақталынса, оған қосымша тағы да діни тұтастықтың аса қажет екендігін ескертеді. Тәуелсіздік туын жаңа көтерген еліміздің сыртқы және ішкі жаулары енді іштей іріту жолына түсті. Елімізде жүріп жатқан демократиялан- дыру үрдісін пайдаланып, әлемде бар түрлі діни конфессиялардың ішке кіріп жатуының түпкі мақсаты «қазақ халқын өзінің түп қазық дінінен айыру екенін»
ескертеді. Сонымен бірге «бүкіл діннің басын қосамын деу күмәнді тірлік... Діннің бәрін теңестіру – ешбір императордың қолынан келетін шаруа емес»
– деп, өз ойын ашық айтады. Ал, мұның өзі қазір ресми биліктің Қазақстанды әлем діндерінің ор- талығына айналдыру мақсатымен сәйкес келе бермейтіндігі кім-кімді болса да ойландырмай қоймайды. Азаттықтың ақ байрағын көтеріп, енді ел боламыз деп, етек- жеңімізді жинап, бар-жоғымызды түгендей бастағанымызда, жаһан- дану деген тағы бір жалмауыз аузын арандай ашып келеді. Әлемнің көптеген елдері жаһандануға жұтылып кетпес үшін қам жасай баста- ды. Ал біз болсақ, жаһандану болмай қоймайтын, әлемді өркениетке апаратын бірден-бір жол деп, құшағымызды айқара ашып қарсы алып жатырмыз. Бұл үрдіске ұлт зиялылары не дейді? Рахаңды тыңдайық: «Ғаламданудың мақсаты – халықты тарихынан, дәстүрінен, әдет-ғұрпынан бездіріп, дүниеге көзқарасын өзгертіп жі- беру. Ғаламдану идеологтары жас қауымды тек қарнының тоқтығын, киімінің бүтіндігін ойлайтын мәңгүрт етуді көздейді» («Дәстүр қуа- ты»,А.,2005,47-бет). Р.Бердібай қазақ елінің болашағын тереңінен ойлайды. Ол Қазақс- танның әлемдік өркениетте өзіне лайықты орнын алу үшін түркі ха- лықтарының бірлігі қажет деп біледі: «Түркі дүниесінің бірлігі – біздің болашағымыз»
«...Түрік халықта- рының бұдан былайғы жерде көктеп, көгеретін бір-ақ жолы бар. Ол – Ататүрік салған жол – түрікшілдік жол. Осы ұран XXI ғасырдағы ұлы идеямыз болсын»
«Біздің идеологиямыз түрікшілдік идеология, ұлтшылдық идеология болу керек»
Ал, Рахаң айтып отырған «Ататүрік салған жол» қандай жол еді. Ататүрікті тыңдайық: «Ең алдымен, мен біртұтас түркі ұлтшылымын, солай тудым, солай өлемін. Түрік бірлігінің күндердің күнінде шын- дыққа айналатынына сенімдімін. Өзім ол күнді тікелей көрмесем де, оны түсімде көре отырып көзімді жұмамын. Түрік бірлігіне сенемін, оны көріп те тұрмын. Ертеңнің тарихы өзінің жаңа кезеңдерін түрік бірлігімен бастайтын болады. Әуелі бейбітшілік пен тыныштықты сол кездерден табады» жүктеу/скачать 3,03 Mb. Достарыңызбен бөлісу:
|