Дипломдық жұмыстың мақсаты:Коэффициенттері тұрақты және айнымалы ретті сызықты дифференциалдық теңдеулердің шешімін табуға операциялық есептеулерді , атап айтқанда Лаплас түрлендіруін қолдану болып табылады.Операциялық есептеулердің ерекшеліктерін зерттеу.
Дипломдық жұмыстың міндеттері:
Операциялық есептеулердің , атап айтқанда Лаплас түрлендіруінің ерекшеліктерін зерттеу.
Зерттеу нысаны: Зерттеудің негізгі нысаны дифференциалдық теңдеулерді,оның ішінде жай дифференциалдық теңдеуге операциялық есептеулерді пайдаланып ,берілген теңдеудің шешімін зерттеу болып табылады.
Зерттеу пәні: Зерттеудің негізгі пәні операциялық есептеулер мен дифференциалдық теңдеулер болып табылады.
Дипломдық жұмыстың ғылыми жаңашылдығы:Жұмыста бейбіртекті оң жағы рационал көпмүшелік,үздіксіз функция және үзілісті функциялы болғандағы коэффициенттері тұрақты сызықты дифференциалдық теңдеулердің шешімін операциялық есептеулер көмегімен,атап айтқанда Лаплас түрлендіруін пайдаланып табу қарастырылған.Сонымен бірге,Дюамель интегралын қолданып,сызықты дифференциалдық теңдеудің шешімі анықталған.
Зерттеу әдістемесі:Жай дифференциалдық теңдеулерді операциялық есептеулер көмегімен шешудің бірі-Лаплас түрлендіруі қарастырылады.
Дипломдық жұмыстың құрылымы:Жұмыс кіріспе,екі бөлім,қорытынды және пайдаланылған әдебиеттер тізімінен тұрады.
Кіріспеде алдыңғы ғылыми жұмыстарға шолу жасалынған,сонымен қатар осы дипломдық жұмыстың тақырыбының өзектілігі,маңыздылығы,мақсаты,зерттеу міндеттері мен нәтижелерінен шыққан жаңалықтар көрсетілген.
Дипломдық жұмыстың қысқаша баяндалу мазмұны келтірілген.
Бірінші бөлімде-жай дифференциалдық теңдеулердің кейбір фактілері мен тұжырымдары және көмекші нәтижелер келтірілген. Оларға ортақ мысалдар қарастырылған.
Екінші бөлімде-коэффициенттері тұрақты және айнымалы –ретті сызықты дифференциалдық теңдеулердің шешімін табуға операциялық есептеулерді,атап айтқанда Лаплас түрлендіруі арқылы шешу қарастырылған және мысалдар келтірілген.
Жұмыстың қорытындысында тұтас зерттеудің тұжырымдары көрсетілген.
