Сен құрметте оны! Түсіндін, бе, қарағым? Ол ақшаға сатқан жоқ, Тізеден кесіп аяғын. Еріккеннен ұстап та жүрген жоқ, Қолтықтағы ұзын таяғын.
Ә.Сәрсенбаев.
Эллипсис
Эллипсис – атап айтпаса да түсінікті кейбір сөздерді әдейі тастап кету.
Ақ көбігің...ақ жүзің
Айнам еді бір қарар.
Өткізген түнім...күндізім...
Тербетер мені, ой салар. Ж.Саин
Шал, әкеңнің... – дедім оған ақырып.
(Мөлдір махаббат)
Параллелизм
Фигураның тағы бір түрі – егіздеу, яғни параллелизм – екі ұдай нәрсені құбылысты, ұғымды, сезімді қатар қойып, жұптап суреттеу.
Синтаксистік:
Екі жаяукеледі:
Біреуінде күрек бар, лүпілдеген жүрек бар,
Біреуінде күрек жоқ, жүрек бар да, жүрек жоқ.
Психологиялық :
Ау, қызғыш құс, қызғыш құс! Ел қорғаны мен едім. Мен де айрылдым елімнен; Көл қорғаны сен едің, Сен де айрылдың көліңнен.
Антитеза
Антитеза — шендестіру (грек. antіthesіs — қарама-қарсылық) мүлде қарама-қарсы ұғымдарды, жағдайларды, образдарды салыстыра не қарама-қарсы қоя отырып, ой мен сезімдіәсерлі жеткізуге ұмтылатын стильдік, эстетикалық бейнелеу құралын көркемдік әдісінің бірі.