ҒАБИТ МҮСІРЕПОВ (1902–1985)
Туған жері: қазіргі Солт. Қазақстан облысы, Жамбыл ауданы, Жаңа жол аулы.
Қызметі: жазушы, драматург, публицист, аудармашы, киносценарист, қоғам қайраткері, ғалым. Қазақ КСР Ғылым академиясының академигі (1958). Социалистік Еңбек Ері (1974). Қазақстанның Халық жазушысы (1984).
Зейнолла Қабдолов: «Ғабит Мүсірепов – ардақты ат! Мүсірепов туралы мың сөзден «Мүсірепов» деген бір сөздің мағынасы әлдеқайда терең, мазмұны әлдеқайда бай. Демек, Мүсіреповті мақтаудың керегі жоқ, Мүсіреповпен мақтану керек».
Обаған деген жердегі нағашысының көмегімен екі сыныптық орыс мектебіне оқуға түседі. Осында орыс тілі мен әдебиетінен сабақ беретін көрнекті педагог Бекет Өтетілеуов Ғабиттің Жазушылыққа деген ықыласын оятуға көп ықпал еткен. Өтетілеуовтің көмегімен Преснегорьковтағы жоғары сыныптық училищеде оқиды.
1923–1926
Орынбор қаласындағы жұмысшы факультетінде (рабфак) оқыды. С.Сейфуллинмен танысты.
1925
«Едіге» деген әңгімесін «Еңбекші қазақ» газетіне жариялайды.
1926
Рабфакты бітірген соң, Омбыдағы ауыл шаруашылығы институтында 1 жыл оқыды. Сол жылы «Әмірхан бидайығы» деген аударма кітап шығарады.
1927–1928
Щучинск қаласындағы ауыл шаруашылығы техникумында оқытушылық қызмет атқарды. Қабырға газетіне жазған әңгімесі кейін «Тулаған толқында» повесі болып жарияланды.
1934-1935
«Қазақ әдебиеті», «Социалистік Қазақстан» газеттерінің бас редакторы;
1937
Қазақстан КП Орталық Комитетінің бөлім меңгерушісі;
1937–1938
Қазақ зиялылары жаппай қуғын-сүргінге түскенде, Б.Майлинді жақтап: «Бейімбет халық жауы болса, мен де халық жауымын», - деп айтқан. Бұл оқиғалар жайлы оның «Шұғыла» деген әңгіме-очеркінде айтылған. Бұл әңгімесі – 1932 жылғы ауыр шындықты астарлап жеткізген шығармасы. Кейіпкерлері: Сатығұл, Егізек, піркәншік Дәулетбек т.б. Мұнда ол қазақ халқына жасалған голошекиндік саясатын сұмдық көріністерін, иен далада иесіз қалған мекендер мен аштықтан өлген адамдардың тау-тау болып үйілген, көмусіз қалған сүйектерін көріп, жан шошырлық қырғынның қорқынышты суреттер қаз қалпында көрсетті.
1938–1955
Бірыңғай жазушылық жұмыспен шұғылданды.
1954
«Қозы Көрпеш – Баян сұлу» пьесасының желісін арқау ете отырып, «Махаббат туралы дастан» атты көркем суретті фильмнің сценарийін жазды.
Осы жылдан бастап КСРО Жазушылар одағы басқармасы хатшыларының бірі, Лениндік және Мемлекеттік сыйлықтар жөніндегі Бүкілодақтық комитеттің мүшесі болды.