– Ал ертедегі біздің батыр бабаларымыз үшін не қымбат болған екен? – деп қызықтыру арқылы сабақтың тақырыбы мен күтілетін нәтижесін хабарлап, сабақты бастауға болады.
(Ұ) «Түсініп оқы» айдары «Аялдамамен оқу» әдісі бойынша жүзеге асады. «Ақдауыл хан» мәтіні оқылып, оқу барысында аялдамалар жасау арқылы мәтінді бөлімдерге бөлуге әзірлік жүргізіледі. (Мұғалім өзі оқыса да немесе оқушыларға оқытуына да болады. «Оңай, қиын сұрақтар» қою арқылы мәтін мазмұнына талдау жасатады).
(Т) «Болжа» айдары «Болжау» әдісі арқылы жүргізіледі. Оқушыларға төмендегі сұрақтарды талдау ұсынылады:
Оқиға өте ертеректе болғанын қалай болжауға болады?
Ақдауыл хан Тозғантауға барғанда жағдайы қалай өзгеруі мүмкін?
Тақырыпқа қарап мәтіннің соңын қалай болжар едің? Саралау:Берілген сұрақтар барлық оқушыларға беріледі. Тиімділігі: Оқушылардың болжауының нақты жауаппен дөп келуі емес, ең бастысы, олардың тақырып бойынша белсенді түрде ой қозғауы екендігін естен шығармай, оқушылардың өз пікірі сынға түспейтіндігіне кепіл болу.
