Білімділік: дыбыстық талдау дағдылары (мәтіннен сөйлемді, сөйлемнен жаңа үйретілген дыбысы бар сөзді, сөзден буынды, буыннан дыбысты бөліп алу) қалыптасады; әріпті таниды, дыбыс пен әріпті бір-бірінен ажыратады; дыбысты дұрыс айтуға жаттығады; оқу түрлерін (буындап оқу, тұтас оқу, мәнерлеп оқу, түсініп оқу) қолданады; жазу жолын, жоларалықты, жолдың жоғарғы және төменгі сызықтарын сақтап, әріп элементтерін, әріптерді, әріптердің бір-бірімен байланысын көркем жазу талаптарына сай жазады.
Дамытушылық: сөздік қоры жаңа сөздермен байиды; сюжетті сурет бойынша әңгіме құрайды.
– Балалар, сендер бүгін сюжетті сурет бойынша әңгіме құрайсыңдар. Құраған әңгімелеріңнен сөйлемді, сөйлемнен жаңа үйретілетін дыбысы бар сөзді бөліп аласыңдар. Бөлініп алынған сөзге дыбыстық талдау жасайсыңдар. «В» дыбысының айтылу ерекшелігін білесіңдер.
Оны дауысты, дауыссызға ажыратасыңдар.
«В» дыбысының таңбасы – оның әрпімен танысасыңдар.
«В» әрпін көркем жазып үйренесіңдер. (МК, Ұ) Дыбыстық талдау дағдыларындамытужұмысы.
1. Сурет бойынша әңгіме құрау.
Күтілетін нәтижені мұқият тыңдайды.
287
Әңгімені сөйлемдерге талдау. Сөйлем санын анықтау.
Бір сөйлемді сөздерге талдау. Сөйлемдегі сөз санын анықтау.
Өтілетін жаңа дыбысы бар «велосипед» сөзіне дыбыстық талдау жасау.
Оқушылар сюжетті сурет бойынша әңгіме құрайды: Болат пен Айдардың велосипедтері бар. Болаттың велосипеді үлкен, ал Айдардыкі кішілеу. Олар бос уақытында велосипед тебеді.
Осы сөйлемдердің ішіндегі бір сөйлемді (Олар бос уақыттарында велосипед тебеді.) сөздерге талдайды: Бұл сөйлемде 5 сөз бар.
Өтілетін жаңа дыбысы бар
«велосипед» сөзіне дыбыстық талдау жасайды: алдымен «ве-ло-си-пед» деп буынға бөледі.
«-Ве» бірінші буынын айтып, қай дыбыс созылмай айтылып тұрғанын табады.
«В» дыбысының айтылу ерекшелігімен танысады.
Түймелерден «в» әрпінің сұлбасын жасайды.
Қолдау
Қолдауды қажет ететін оқушыларға көмек беру.
Оқушыларға әріпті жасауда қажет болған жағдайда көмек беру.
