Кафедрада бекітілген жетекшілердің міндеттері

Практикаға тікелей университеттен бекітілген жетекшілер – университет ректорының бұйрығымен бекітілген кафедраның білікті мамандары тағайындалады.

• 
  кәсіпорын базалары мен білім алушының жеке тапсырмасын және олардың практика кезіндегі жағдайын белгілеп келісімге келуі;
  
• 
  топ білім алушылармен кездесіп практиканың мерзімімен, бағдарламасымен таныстырып, практиканы өту барысындағы өндірістегі қойылатын талаптарды, ерекшеліктерді мәлімет ету және топтың жиналатын орны мен уақытын белгілеу;
  
• 
  білім алушыларды жұмыс орындарына таратып, олардың жұмыстарын бақылау;
  
• 
  теориялық сабақтарды, кеңестерді және өндірістік экскурсияны ұйымдастыру, практиканттарға ҒЗЖ орындауға және есепті (отчет) құруға әдістемелік көмектер беру;
  
• 
  білім алушылардың практикаға шығу алдында ұйым шараларын өткізуді (медициналық тексеру, іс-шара өткізу тәртібі, техника қауіпсіздігі, әдістемелік нұсқаулар) қамтамасыз ету;
  
• 
  мекемеде білім алушы-практиканттардың келуіне қажетті дайындықтарды ұйымдастыру үшін кәсіпорындағы практика басталғанға дейін келіп жету;
  
• 
  білім алушылардың кәсіпорынмен, мекемемен қамтамасыз етілуімен және олардың қалыпты еңбек жағдайын бақылап отыру;
  
• 
  білім алушылармен еңбекті қорғау және техника қауіпсіздігі бойынша міндетті нұсқаулармен өткізуді, сонымен қатар ішкі тәртіп ережелерін орындауды бақылау;
  
• 
  білім алушылардың практикалық есептерін қарау, жұмыстарына пікір айту және кафедра меңгерушісіне ескертулері мен білім алушылардың практикалық дайындығын жетілдіру бойынша ұсыныстары мен практика туралы жазбаша есепті тапсыру;
  
• 
  барлық жұмысты кәсіпорында бекітілген жетекшілермен байланыста жүргізу.